കോന്നി : കോന്നി ഗ്രാമ പഞ്ചായത്ത് മൂന്നാം വാർഡ് അട്ടച്ചാക്കൽ വാട്ടർ ടാങ്കിന് സമീപം ഉണ്ടായ കാട്ടുപന്നിയുടെ ആക്രമണത്തിൽ അഞ്ച് പേർക്ക് പരുക്കേറ്റു. രാവിലെ 7.30യോടെ ആയിരുന്നു സംഭവം. പാലമുറിയിൽ വീട്ടിൽ സജികുമാർ, മലയിൽ പറമ്പിൽ ബാബു മത്തായി, മലയിൽ പറമ്പിൽ അനിൽ ദാനിയേൽ, പുത്തൻ പറമ്പിൽ മറിയാമ്മ ദാനിയേൽ, പേരങ്ങാട്ട് മലയിൽ ബിന്ദു ജയിംസ് എന്നിവർക്കാണ് പരിക്കേറ്റത്. ആക്രമണത്തിൽ പരുക്ക് ഏറ്റവരെ കോന്നി താലൂക്ക് ആശുപത്രിയിൽ എത്തിച്ച് ചികിത്സ നൽകി വിട്ടയച്ചു. സംഭവ സ്ഥലത്ത് നിന്നും 50 മീറ്റർ ദൂരമാണ് സെന്റ് ജോർജ് ഹൈ സ്കൂൾ, കേന്ദ്രീയ വിദ്യാലയം എന്നിവ പ്രവർത്തിക്കുന്നത്.സ്കൂൾ ഗ്രൗണ്ടിനോട് ചേർന്ന സ്ഥലത്താണ് സംഭവം നടന്നത്. കുട്ടികൾ ഈ പ്രദേശത്ത് പോകുന്നത് സംഭവത്തിന്റെ ഗൗരവം വർധിപ്പിച്ചിട്ടുണ്ട്.
