മലപ്പുറം : പ്രളയകാലത്ത് വാര്ത്തകളില് നിറഞ്ഞ നന്മ മരം ജൈസല് താനൂര് പോലീസ് പിടിയില്. യുവതിയെയും യുവാവിനെയും ഫോട്ടോ കാണിച്ച് ഭീഷണിപ്പെടുത്തി പണം തട്ടിയതിനാണ് ഇയാളെ പോലീസ് അറസ്റ്റ് ചെയ്തത്. താനൂര് ഒട്ടുംപുറം തൂവല് തീരത്ത് കാറില് ഇരിക്കുകയായിരുന്ന യുവതിയുടെയും യുവാവിന്റെയും ചിത്രം പകര്ത്തിയ ജൈസല്, ഇരുവരെയും ചിത്രങ്ങള് കാണിച്ച് ഭീഷണിപ്പെടുത്തുകയായിരുന്നു. ലക്ഷങ്ങളോളം രൂപയാണ് ഇയാള് ആവശ്യപ്പെട്ടത്. തുടര്ന്ന്, അത് നല്കാന് യുവാവിനും യുവതിയ്ക്കും കഴിയാതെ വന്നതോടെ 5000 രൂപ ഗൂഗിള് പേ ചെയ്യിപ്പിച്ചാണ് ഇരുവരെയും ജൈസല് പറഞ്ഞു വിട്ടത്. അതേസമയം, പ്രളയകാലത്ത് വീടുകളില് അകപ്പെട്ടവരെ തിരിച്ചെത്തിക്കുമ്പോള് അവര്ക്ക് വള്ളങ്ങളിലേക്ക് കയറാന് മുതുക് നല്കി സാമൂഹ്യ മാധ്യമങ്ങളില് വൈറലായ യുവാവാണ് ജൈസല് താനൂര്.
