മാഹി : വില്പനക്കായി കൊണ്ടുവന്ന 56 കുപ്പി മാഹി നിര്മ്മിത വിദേശ മദ്യവുമായി ഒഡീഷ സോള്ഡ സ്വദേശി രവീന്ദ്ര (30 വയസ്സ്)യെ സിറ്റി സ്പഷ്യല് ആക്ഷന് ഗ്രൂപ്പും നടക്കാവ് ഇന്സ്പെക്ടര് ജിജീഷിന്റെ നേതൃത്വത്തില് സബ്ബ് ഇസ്പെക്ടര് എസ്.ബി കൈലാസ്നാഥും ചേര്ന്ന് പിടികൂടി. മാഹിയില് നിന്നും മദ്യം വാങ്ങി വരുന്നതിനിടയില് കോഴിക്കോട് മാവൂര് റോഡ് ശ്മശാനം റോഡില് നിന്നുമാണ് ഇയാളെ പിടികൂടിയത്. മാങ്കാവും പരിസര പ്രദേശങ്ങളിലും അന്യസംസ്ഥാന തൊഴിലാളികള്ക്കിടയിലും നാട്ടുകാര്ക്കിടയിലും മദ്യവില്പന നടത്തുന്ന സംഘത്തിലെ മുഖ്യ കണ്ണിയാണ് പിടിയിലായ രവീന്ദ്ര.
