ബംഗളൂരു : കർണാടക മുൻ മന്ത്രി ജെ.അലക്സാണ്ടർ അന്തരിച്ചു. 83 വയസായിരുന്നു. ആശുപത്രിയിൽ ചികിത്സയിൽ കഴിയവെയാണ് അന്ത്യം. മലയാളിയായ അലക്സാണ്ടർ കർണാടകയിലെ ചീഫ് സെക്രട്ടറിയായും സേവനം അനുഷ്ഠിച്ചിട്ടുണ്ട്. 1963 ബാച്ചിലുള്ള അലക്സാണ്ടർ 1992 ലാണ് ചീഫ് സെക്രട്ടറിയായി നിയമിതനാകുന്നത്.
പിന്നീട് കോൺഗ്രസിൽ ചേർന്ന് രാഷ്ട്രീയ പ്രവർത്തനം ആരംഭിച്ച അദ്ദേഹം ബംഗളൂരുവിലെ ഭാരതിനഗർ മണ്ഡലത്തിൽ നിന്ന് എംഎൽഎ ആയി തെരഞ്ഞെടുക്കപ്പെട്ടിട്ടുണ്ട്. എസ്എം കൃഷ്ണ സർക്കാരിൽ ടൂറിസം മന്ത്രിയായി പ്രവർത്തിച്ചിട്ടുണ്ട്. 2019 ൽ അലക്സാണ്ടർ കോൺഗ്രസിൽ നിന്ന് രാജിവെച്ചുവെങ്കിലും മുതർന്ന നേതാക്കളുടെ അഭ്യർത്ഥന പരിഗണിച്ച് പാർട്ടിയിൽ തുടരുകയായിരുന്നു.