തലശേരി: ന്യൂമാഹി പോലിസ് സ്റ്റേഷന് പരിധിയിലെ പുന്നോലില് ചാക്കില് പൊതിഞ്ഞു കെട്ടിയ നിലയില് വടിവാളുകള് കണ്ടെടുത്തു. അഞ്ച് വടിവാളുകളാണ് കണ്ടെത്തിയത്. പുന്നോല് ബദര് മസ്ജിദിന്റെ മതിലിന് സമീപം റോഡില് കാട് മുടിക്കിടന്ന സ്ഥലം വൃത്തിയാക്കുകയായിരുന്ന ഇതര സംസ്ഥാന തൊഴിലാളികളാണ് ചാക്കില് കെട്ടിയ നിലയില് ആയുധങ്ങള് കണ്ടെത്തിയത്.
വിവരമറിഞ്ഞ് ന്യൂ മാഹി ഇന്സ്പെക്ടര് ഇ.ആര് ബൈജു, എസ്ഐമാരായ കിഷോര് ബാബു, റസാഖ്, സി.പി.ഒ രാജേഷ് എന്നിവര് സ്ഥലത്തെത്തി വാളുകള് കസ്റ്റഡിയിലെടുത്തു. തുരുമ്പെടുത്തതാണെങ്കിലും ആയുധങ്ങള് പുതുതായി നിര്മ്മിച്ചതാണെന്ന് പോലിസ് പറഞ്ഞു.
