കാസര്ഗോഡ് : പത്തുവയസുകാരനായ മകനൊപ്പം കഴിഞ്ഞിരുന്ന യുവതിയെ തൂങ്ങിമരിച്ച നിലയില് കണ്ടെത്തി. കാറഡുക്കയ്ക്ക് സമീപം കല്ലംകുഡ്ലുവില് താമസിച്ചിരുന്ന വയനാട് തിരുനെല്ലി സ്വദേശിനി അനിത എന്ന 45 കാരിയെയാണ് മരിച്ച നിലയില് കണ്ടെത്തിയത്. അതേസമയം ഇവര്ക്കൊപ്പം താമസിച്ചിരുന്ന ഭര്ത്താവ് കോട്ടയം പാലാ സ്വദേശി കണ്ണന് നമ്പൂതിരിയെ കാണാതായി.
ഇയാള് താന്ത്രിക കര്മങ്ങളുമായി ബന്ധപ്പെട്ട് കര്ണാടകയില് പല സ്ഥലങ്ങളിലേക്കും ദീര്ഘയാത്രകള് നടത്താറുണ്ടെന്നാണ് റിപ്പോര്ട്ട്. ബുധനാഴ്ച രാവിലെ വീട്ടില് നിന്നും പോയതാണെന്നാണ് മകന് പറയുന്നത്. വ്യാഴാഴ്ച രാവിലെ ആകാശ് ഉറക്കമുണര്ന്നപ്പോള് അമ്മയെ തൂങ്ങിമരിച്ച നിലയില് കണ്ടെത്തുകയായിരുന്നു. സംഭവത്തില് പോലീസ് അന്വേഷണം തുടരുകയാണ്.