കസ്റ്റ‍ഡിയിൽ നാലുപേ‍ർ, ഒരാൾ ഓടി രക്ഷപെട്ടു ; ചാലയിലെ സ്വർണക്കവർച്ചയിൽ സിറ്റി പോലീസ് കമ്മീഷണര്‍

തിരുവനന്തപുരം: ചാലയിലെ സ്വർണക്കവർച്ചയിൽ പ്രതികളെ പിടികൂടിയതിനെക്കുറിച്ച് പ്രതികരിച്ച് തിരുവനന്തപുരം സിറ്റി പോലീസ് കമ്മീഷണര്‍ അരുൾ ബി കൃഷ്ണ. ഒരു വാഹനവും നാലുപേരുമാണ് കസ്റ്റഡിയിലായതെന്നും ഒരാൾ ഓടി രക്ഷപെട്ടുവെന്നും കമ്മീഷണര്‍ അറിയിച്ചു. അനിൽ, ആൻ്റണി, അനൂപ് എന്നിവരാണ് പിടിയിലായത്. വയനാട് പടിഞ്ഞാറേത്തറയിൽ നിന്നാണ് പ്രതികൾ പിടിയിലായത്. വാഹനം വിശദമായി പരിശോധിച്ചു വരുന്നുവെന്നും കമ്മീഷണ‍ർ വ്യക്തമാക്കി. പ്രതികളിൽ നിന്ന് ഒരു ബാർ ഗോൾഡ് ആണ് ലഭിച്ചത്. കസ്റ്റഡിയിൽ ആറ് പേരാണ് ഉള്ളത്. വയനാട് ആറുപേരാണ് കസ്റ്റഡിയിലുള്ളത്. ഫോർട്ട് പോലീസ് സ്റ്റേഷനിൽ ഉള്ളത് സംശയത്തെ തുടർന്ന് ചോദ്യം ചെയ്യാനായി വിളിച്ചുവരുത്തിയ ആളാണ്. സ്വർണം പൊട്ടിക്കൽ സംഘവുമായി പ്രതികൾക്ക് ബന്ധം ഉണ്ടോ എന്ന് വിശദമായി ചോദ്യംചെയ്താലേ പറയാനാകൂ എന്നും അദ്ദേഹം അറിയിച്ചു.

അനിൽ എന്ന ആളുടെ വണ്ടിയാണ് പിടികൂടിയിട്ടുള്ളത്. തിരുവനന്തപുരത്തുനിന്ന് പിടിയിലായവർ സംശയനിഴലിലാണ്. കൂടുതൽ പ്രതികൾ ഉണ്ടായേക്കാം. സ്ഥാപനവുമായി പരിചയമുള്ള ആളുകളാണ് സംശയ പട്ടികയിൽ ഉള്ളത് പിടിലായവർ. പിടിയിലായ അനിൽ തിരുവനന്തപുരം സ്വദേശി ആണെങ്കിലും ഇപ്പോൾ എറണാകുളത്താണെന്നും കമ്മീഷണര്‍ വിശദമാക്കി.