വാഴക്കുളം : വാഹന പരിശോധനയില് ആന്ധ്രാപ്രദേശില് നിന്ന് കൊണ്ടുവന്ന 79.706 കിലോഗ്രാം കഞ്ചാവുമായി കലൂരില് നാലു പേര് പിടിയില്. എക്സൈസ് സെന്ട്രല് സോണ് കമ്മിഷണര് സ്ക്വാഡിലെ സര്ക്കിള് ഇന്സ്പെക്ടര് പി. ജുനൈദിന്റെ നേതൃത്വത്തിലായിരുന്നു പരിശോധന. ആന്ധ്രയില് നിന്നും ഒരു കിലോ കിലോഗ്രാം കഞ്ചാവ് 3000 രൂപയ്ക്ക് വാങ്ങി ഇവിടെ 35000 രൂപവരെയാണ് ആവശ്യക്കാര്ക്ക് വിറ്റിരുന്നത്.
ആര്ക്കും സംശയം തോന്നാത്ത വിധം ഗൂഗിള് പേ വഴിയാണ് പണമിടപാടുകള് നടത്തിയിരുന്നത്. പ്ലൈവുഡ്, ഫലവര്ഗങ്ങള് എന്നിവക്കിടയില് ഒളിപ്പിച്ചാണ് കഞ്ചാവ് കടത്തിയിരുന്നത്. ആന്ധ്രയില് നിന്ന് കഞ്ചാവ് കൈമാറുന്നവരേക്കുറിച്ച് വിവരം ലഭിച്ചതിനെ തുടര്ന്ന് തുടരന്വേഷണം ഊര്ജിതമാക്കുമെന്ന് അസി. എക്സൈസ് കമ്മിഷണര് അറിയിച്ചു.