ചങ്ങനാശ്ശേരി : എംഎല്.എയുടെ കത്തുമായി പണപ്പിരിവ് നടത്തിയ രണ്ടുപേര് പോലീസ് പിടിയില്. മാടപ്പള്ളി പങ്കിപ്പുരം വെങ്ങമൂട്ടില് വീട്ടില് വാടകക്ക് താമസിക്കുന്ന ആലപ്പുഴ സ്വദേശിയായ ഷാജി (62), ചങ്ങനാശ്ശേരി ഹിദായത്ത് നഗര് പുത്തന്പറമ്പില് അനസ് (44)എന്നിവരെയാണ് ചങ്ങനാശ്ശേരി പോലീസ് അറസ്റ്റ് ചെയ്തത്.
ഷാജി തന്റെ അനിയന് സുഖമില്ലെന്നുപറഞ്ഞ് ചങ്ങനാശ്ശേരി എംഎല്എ ജോബ് മൈക്കിളിനെ കാണുകയും സഹായം അഭ്യര്ഥിക്കുകയും ചെയ്തു. തുടര്ന്ന് ഷാജിയുടെ അനിയന് ചികിത്സക്ക് സഹായിക്കണമെന്ന് അഭ്യര്ഥിച്ചുകൊണ്ട് ഫാ. സെബാസ്റ്റ്യന് പുന്നശ്ശേരിക്ക് എം.എല്.എ കത്ത് നല്കി. ഈ കത്ത് ഫാ. സെബാസ്റ്റ്യന് പുന്നശ്ശേരിക്ക് നല്കാതെ ഇരുവരും ചേര്ന്ന് പണപ്പിരിവ് നടത്തുകയായിരുന്നു. ലാമിനേറ്റ് ചെയ്ത ഈ കത്തുമായി പല സ്ഥലങ്ങളില്നിന്ന് അനധികൃതമായി പണപ്പിരിവ് നടത്തുകയായിരുന്നു. കഴിഞ്ഞദിവസം ചങ്ങനാശ്ശേരി കെ.എസ്.ആ.ര്.ടി.സി സ്റ്റാന്ഡില് പിരിവ് നടത്തുന്നതിനിടെ ഇവരെ പോലീസ് പിടികൂടുകയായിരുന്നു.
