ചെങ്ങന്നൂര് : ശക്തമായ മഴയെയും വെള്ളപ്പൊക്കത്തേയും തുടര്ന്ന് ശബരിമല തീര്ത്ഥാടനത്തിന് പോകാന് കഴിയാതെ അന്യസംസ്ഥാനങ്ങളില് നിന്നും ചെങ്ങന്നൂരില് എത്തിയ തീര്ത്ഥാടകര്ക്ക് ചെങ്ങന്നൂര് നഗരസഭ താല്ക്കാലിക താമസ സൗകര്യം ഒരുക്കി. ചെങ്ങന്നൂര് ക്ഷേത്രത്തിന് തെക്കേ നടയിലുള്ള സ്വകാര്യ ആഡിറ്റോറിയത്തിലാണ് താമസ സൗകര്യം ഒരുക്കിയത്.
റെയില്വേ സ്റ്റേഷനില് കുടുങ്ങിപ്പോയ തീര്ത്ഥാടകര്ക്കാണ് ചെയര്പേഴ്സണ് മറിയാമ്മ ജോണ്ഫിലിപ്പ്, വൈസ് ചെയര്മാന് ഗോപു പുത്തന്മഠത്തില്, കൗണ്സിലര് മനീഷ് കീഴാമഠത്തില് എന്നിവരുടെ നേതൃത്വത്തില് സൗജന്യമായി സൗകര്യങ്ങള് ഒരുക്കിയത്. ശബരിമല നട തുറക്കുന്നതനുസരിച്ചും ബസ് സര്വ്വീസ് പുനരാരംഭിക്കുന്നതുവരെയാണ് താല്ക്കാലിക താമസം ഏര്പ്പെടുത്തിയിരിക്കുന്നത്.