റാന്നി: കേരളത്തിന്റെ പൊതുഗതാഗത ചരിത്രത്തിലും സ്ത്രീ ശാക്തീകരണ ചരിത്രത്തിലും സുവർണ്ണ ലിപികളാൽ എഴുതപ്പെടേണ്ട ഒരു സുപ്രധാനമായ അധ്യായത്തിനാണ് ഇന്ന് തുടക്കം കുറിക്കുന്നതെന്നും ഗ്രാമങ്ങളിലെയും നഗരങ്ങളിലെയും സാധാരണക്കാരായ സ്ത്രീകളുടെ വലിയൊരു സ്വപ്നമാണ് ഇന്ന് ഈ പദ്ധതിയിലൂടെ യാഥാർത്ഥ്യമാകുന്നതെന്നും റാന്നി എംഎൽഎ പഴകുളം മധു പറഞ്ഞു. കെ.എസ്.ആർ.റ്റി.സി ബസുകളിലെ സ്ത്രീകളുടെ സൗജന്യ യാത്രാ പദ്ധതിയുടെ ജില്ലാതല ഉദ്ഘാടനം റാന്നിയിൽ നിർവഹിക്കുകയായിരുന്നു അദ്ദേഹം. പഴവങ്ങാടി പഞ്ചായത്ത് പ്രസിഡന്റ് പ്രമോദ് മന്ദമരുതി അധ്യക്ഷത വഹിച്ചു.
ബ്ലോക്ക് പഞ്ചായത്ത് പ്രസിഡന്റ് സോണിയ മനോജ്, ജില്ലാ പഞ്ചായത്ത് അംഗങ്ങളായ സതീഷ് ബാബു, ജൂലി സാബു, പഞ്ചായത്ത് പ്രസിഡന്റ്മാരായ രമാദേവി, ഉഷ കെ., സുനിൽ കുമാർ എച്ച്., അനിൽ കുമാർ പൈകര, കെ.പി.സി.സി സെക്രട്ടറി റിങ്കു ചെറിയാൻ, സനോജ് മേമന, സമദ് മേപ്രത്ത്, രജീവ് താമരപള്ളിൽ, എബ്രഹാം മാത്യു, സാംജി ഇടമുറി, കാട്ടൂർ അബ്ദുൽ സലാം, റ്റി.കെ.സാജു, ലാലു ജോൺ, സാംകുട്ടി പാലക്കമണ്ണിൽ, ലിജു ജോർജ്, തോമസ് അലക്സ്, കെ.കെ തോമസ്, തോമസ് ഫിലിപ്പ്, സൗമ്യ ജി.നായർ, മേഴ്സി ഫിലിപ്പ്, ആനി ജേക്കബ്, സ്വപ്ന സൂസൻ, റീന ജെയിംസ്, അനിത അനിൽ കുമാർ, ജോൺ എബ്രഹാം, രാജു മരുതിക്കൽ എന്നിവർ പ്രസംഗിച്ചു.
