കൊച്ചി: സിപിഐ സംസ്ഥാന സെക്രട്ടറിയായി കാനം രാജേന്ദ്രന് വീണ്ടും തെരഞ്ഞെടുക്കപ്പെട്ടു. തുടര്ച്ചയായ മൂന്നാം തവണയാണ് കാനം സംസ്ഥാന സെക്രട്ടറിയാകുന്നത്. ഐക്യകണ്ഠ്യേനയാണ് കാനം തെരഞ്ഞെടുക്കപ്പെട്ടത്. പ്രായപരിധി കടന്നതിനാല് സി.ദിവാകരന് പിന്നാലെ കെ.ഇ.ഇസ്മായിലും സംസ്ഥാന കൗണ്സിലില് നിന്ന് പുറത്തായി. പീരുമേട് എംഎല്എ വാഴൂര് സോമനും സംസ്ഥാന കൗണ്സിലില് ഇല്ല. സമ്മേളനത്തിനിടെ കെ.ഇ ഇസ്മായില് വികാരഭരിതനായി. ഇ.എസ്.ബിജിമോളെ സംസ്ഥാന കൗണ്സിലില് നിന്നും ഒഴിവാക്കിയിട്ടുണ്ട്.
കമ്മിറ്റികള് ഐകകണ്ഠ്യേനയാണ് സിപിഐ സംസ്ഥാന സെക്രട്ടറി സ്ഥാനത്തേക്ക് തെരഞ്ഞെടുത്തതെന്നും സിപിഐയില് ഗ്രൂപ്പോ വിഭാഗീയതയോ ഇല്ലെന്നും കാനം രാജേന്ദ്രന് പറഞ്ഞു. അഭിപ്രായങ്ങള് തെറ്റല്ല. അഭിപ്രായസമന്വയത്തിലൂടെ തീരുമാനത്തില് എത്തുന്നതാണ് കമ്യൂണിസ്റ്റ് ശൈലി. പ്രായപരിധി നടപ്പാക്കിയത് പാര്ട്ടി തീരുമാനമെന്നും കാനം രാജേന്ദ്രന്.
