പത്തനംതിട്ട : ഇന്ത്യൻ ഭരണഘടനയെ അപമാനിക്കുകയും ഭരണഘടനാ ശിൽപ്പികളെ അവഹേളിക്കുകയും ചെയ്ത സജി ചെറിയാൻ മന്ത്രിസ്ഥാനം മാത്രമല്ല എംഎൽഎ സ്ഥാനവും രാജിവെച്ച് ഇന്ത്യൻ ജനതയോട് മാപ്പ് പറയണമെന്ന് കേരള പ്രദേശ് ഗാന്ധി ദർശൻവേദി പത്തനംതിട്ട ജില്ലാ കമ്മറ്റി ആവശ്യപ്പെട്ടു.
ഗാന്ധി പ്രതിമക്ക് മുൻപിൽ നടത്തിയ ധർണ്ണ സംസ്ഥാന സെക്രട്ടറി ബിനു എസ്. ചക്കാലയിൽ ഉത്ഘാടനം ചെയ്തു. ജില്ലാ ചെയർമാൻ അബ്ദുൽ കലാം ആസാദ് അധ്യക്ഷത വഹിച്ചു. വനിതാവേദി സംസ്ഥാന കൺവീനർ എലിസബേത്ത് അബു, ജില്ലാ ജനറൽ സെക്രട്ടറി ഏബൽ മാത്യു, ട്രഷറർ പ്രൊഫ. ജി. ജോൺ, ശ്രീദേവി ബാലകൃഷ്ണൻ, കെ ജി. റെജി, വിൽസൺ തുണ്ടിയത്ത്, ലീല രാജൻ, ജോസ് പനച്ചിക്കൽ , കെ.റ്റി. ജോർജ്ജ് എന്നിവർ പ്രസംഗിച്ചു.
