പത്തനംതിട്ട : നഗരസഭ പതിനാറാം വാർഡ് എ. ഡി. എസ് കമ്മിറ്റിയുടെ നേതൃത്വത്തിൽ ഗാന്ധി ജയന്തി അനുസ്മരണവും ശുചീകരണ പരിപാടികളും നടത്തി. നഗരസഭ ആരോഗ്യ കാര്യ സ്ഥിരം സമിതി അധ്യക്ഷൻ ജെറി അലക്സ് ഉദ്ഘാടനം ചെയ്തു. മൈലാടുംപാറ താഴം ഹെൽത്ത് സെന്ററിന്റെ പരിസരം കാടുകൾ നീക്കംചെയ്തു പച്ചക്കറി വിത്തുകൾ നട്ടു. സി. ഡി. എസ് മെമ്പർ സന്ധ്യാ പനയ്ക്കൽ, എ. ഡി. എസ് പ്രസിഡന്റ് ഉഷ ചന്ദ്രൻ, പ്രവീണ മനോജ്, മിനി.സി. ജി, ആശാ പ്രവർത്തക സരസ്വതിയമ്മ, വിലാസിനി, സരസമ്മ എന്നിവർ നേതൃത്വം നൽകി.
