കൊച്ചി: അന്തരിച്ച സിപിഎം നേതാവ് കോടിയേരി ബാലകൃഷ്ണന് ആദരാഞ്ജലി അര്പ്പിച്ച് പ്രതിപക്ഷ നേതാവ് വിഡി സതീശന്. അടിമുടി രാഷ്ട്രീയക്കാരനായിരുന്നു കോടിയേരിയെന്നും രാഷ്ട്രീയമായിരുന്നു അദ്ദേഹത്തിന്റെ ജീവശ്വാസം എന്നുമാണ് സതീശന് ഫേയ്സ് ബുക്കില് കുറിച്ചത്. രോഗത്തിന്റെ വേദനയിലും തന്റെ സ്വാഭാവിക ചിരിയോടെ എല്ലാം അതിജീവിക്കുമെന്ന ആത്മവിശ്വാസമാണ് ചുറ്റുമുള്ളവര്ക്ക് കോടിയേരി നല്കിയത്.
സിപിഎമ്മിലെ സൗമ്യ സാന്നിധ്യമായിരുന്ന അദ്ദേഹത്തിന്റെ വിയോഗം രാഷ്ട്രീയ കേരളത്തിന് വലിയ നഷ്ടമാണെന്നും പ്രതിപക്ഷ നേതാവ് കുറിച്ചു. വിഡി സതീശന്റെ ഫേയ്സ്ബുക്ക് കുറിപ്പ് :- അടിമുടി രാഷ്ട്രീയക്കാരനായിരുന്നു കോടിയേരി ബാലകൃഷ്ണന്. അക്ഷരാര്ത്ഥത്തില് രാഷ്ട്രീയമായിരുന്നു കോടിയേരിയുടെ ജീവശ്വാസം. സ്ഥായിയായ ചിരിയും സ്നേഹവാക്കുകളും കൊണ്ട് രാഷ്ട്രീയഭേദമന്യേ കോടിയേരി എല്ലാവര്ക്കും പ്രിയങ്കരനായി. പാര്ട്ടി ചട്ടക്കൂടിന് പുറത്തേക്കും അദ്ദേഹത്തിന്റെ സൗഹൃദം വ്യാപിച്ചു.
