റാന്നി: റാന്നി മിനി സിവില് സ്റ്റേഷന് മുന്നിലെ ബോട്ടില് ബൂത്ത് നിറഞ്ഞ് പ്ലാസ്റ്റിക് മാലിന്യങ്ങള് പുറത്തേക്ക് . പ്ലാസ്റ്റിക് മാലിന്യങ്ങള് നിക്ഷേപിക്കാന് പ്രത്യേകമായി ഒരുക്കിയ ബോട്ടില് ബൂത്ത് മാസങ്ങളായി മാറ്റാത്തതാണ് ഇതിന് പ്രധാന കാരണം. മാലിന്യം നിക്ഷേപിക്കാന് വരുന്നവര്ക്ക് ബൂത്ത് നിറഞ്ഞതിനാല് മറ്റ് സ്ഥലങ്ങളില് മാലിന്യം നിക്ഷേപിക്കേണ്ടി വരുന്നു. ഇത് മൂലം സമീപത്ത് മാലിന്യക്കൂമ്പാരം രൂപം കൊള്ളുകയാണ്. റാന്നി മിനി സിവില് സ്റ്റേഷന് മുന്നില് നിരവധി ഓഫീസുകളുണ്ട്. ദിനംപ്രതി നിരവധി പേരാണ് ഇവിടേക്ക് എത്തുന്നത്. അതുകൊണ്ട് തന്നെ ഈ മാലിന്യക്കൂമ്പാരം ഓഫീസില് എത്തുന്നവർക്കും വല്ലാത്ത ഒരു പ്രയാസം ഉണ്ടാക്കുന്നുണ്ട്.
ഈ പ്രശ്നം ശ്രദ്ധയില്പ്പെട്ടിട്ടും അധികൃതർ യാതൊരു നടപടിയും സ്വീകരിക്കുന്നില്ല. ഇത്രയധികം മാലിന്യം മിനി സിവില് സ്റ്റേഷന് മുന്നില് തന്നെ ഉണ്ടാവുമ്പോഴും അതിനെക്കുറിച്ച് യാതൊരു അറിവുമില്ലാത്തത് പോലെയാണ് അധികൃതർ.പ്ലാസ്റ്റിക് മാലിന്യം ഭൂമിക്ക് എത്രമാത്രം അപകടമാണ് എന്ന് എല്ലാവർക്കും അറിയാവുന്നതാണ്. ഈ പ്രശ്നം തുടർന്നാല് പ്രദേശം ഒരു വലിയ മാലിന്യ ശേഖരമായി മാറാൻ സാധ്യതയുണ്ട്. മാലിന്യക്കൂമ്പാരം കണ്ടില്ലെന്ന് നടിക്കുന്ന അധികൃതരുടെ നടപടി വളരെ ദൗര്ഭാഗ്യകരമാണ്. ഈ മാലിന്യം എങ്ങിനെയായാലും എത്രയും പെട്ടെന്ന് നീക്കം ചെയ്യണമെന്ന് ആവശ്യപ്പെട്ട് നാട്ടുകാർ രംഗത്തെത്തിയിട്ടുണ്ട്.
