ഒടയംചാല്: ഗ്യാസ് ഏജന്സിയുടെ കുളിമുറിയില് അവശനിലയില് കണ്ടെത്തിയ ജീവനക്കാരന് മരിച്ചു. പരപ്പ എടത്തോട് തൊട്ടിയിലെ യദു മാധവ് (25) ആണ് മരിച്ചത്. ഒടയംചാലിലെ ഗ്യാസ് വില്പനകേന്ദ്രം ജീവനക്കാരന് ആയിരുന്നു. ബുധനാഴ്ച രാത്രിയാണ് സംഭവം. ജോലിസമയം കഴിഞ്ഞു കുളിക്കാന് കയറിയതായിരുന്നു യുവാവ്. ഏറെ നേരമായിട്ടും തിരിച്ചു വരാതിരുന്നതിനെ തുടര്ന്ന് സ്ഥാപന ഉടമ വാതില് തുറന്നുനോക്കിയപ്പോള് അബോധാവസ്ഥയില് കണ്ടെത്തുകയായിരുന്നു.
ഇയാളെ ഉടന് തന്നെ കാഞ്ഞങ്ങാട്ടെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. യുവാവിന്റെ മരണത്തില് അസ്വാഭാവിക മരണത്തിന് അമ്പലത്തറ പപോലീസ് കേസെടുത്തു. മൃതദേഹം കണ്ണൂര് ഗവ.മെഡിക്കല് കോളജില് പോസ്റ്റ്മോര്ട്ടം നടത്തിയതിനുശേഷം നാട്ടിലെത്തിച്ച് വീട്ടുവളപ്പില് സംസ്കരിച്ചു. എടത്തോട് തൊട്ടിയിലെ പുലിക്കോടന് മാധവന്-യശോദ ദമ്പതികളുടെ മകനാണ്. സഹോദരി – കാവ്യ.
