കാട്ടുപോത്തിന്റെ ആക്രമണത്തിൽ കർഷകൻ കൊല്ലപ്പെട്ടു

ഇടുക്കി : കാട്ടുപോത്തിന്റെ ആക്രമണത്തിൽ ഒരാൾ മരിച്ചു. പള്ളനാട് മംഗളംപാറ സ്വദേശി ദുരരാജ് (56) ആണ് മരിച്ചത്. ഇടുക്കി മറയൂരിലാണ് സംഭവം. മറയൂരിൽ നിന്നും തിരികെ വീട്ടിലേക്ക് പോകുന്നവഴിയിലാണ് ആക്രമണം ഉണ്ടായത്. സ്വന്തംകൃഷിയിടത്തിൽ പതിയിരുന്ന കാട്ടുപോത്ത് ദുരൈരാജിനെ ആക്രമിക്കുകയായിരുന്നു. സംഭവസ്ഥലത്ത് തന്നെ ദുരൈരാജ് മരിച്ചെന്നാണ് വിവരം. പോലീസ് മേൽനടപടി സ്വീകരിച്ചു.