തിരുവനന്തപുരം : നേമത്ത് പാമ്പുകടിയേറ്റ് പെണ്കുട്ടി മരിച്ച നിലയില്. അസം സ്വദേശി ജിപിന് ദാസിന്റെ മകള് ശില്പ്പാറാണി (7) ആണ് മരിച്ചത്. ഇന്നലെ ഉച്ചയോടെയായിരുന്നു സംഭവം നടന്നത്. അന്യസംസ്ഥാന തൊഴിലാളികള് തിങ്ങിപ്പാര്ക്കുന്ന പുന്നയ്ക്കാമുകള് ഞാലിക്കോണം ഭാഗത്തെ വീട്ടിലായിരുന്നു സംഭവം. വീട്ടിനകത്തേക്ക് കയറിയ പാമ്പ് കുട്ടിയെ കടിക്കുകയായിരുന്നു.
എന്തോ ഒന്ന് കടിച്ചതായി പെണ്കുട്ടി രക്ഷിതാക്കളെ അറിയിച്ചെങ്കിലും ആരും അത് കാര്യമാക്കിയില്ല. എന്നാല് കുറച്ചുസമയത്തിന് ശേഷം പെണ്കുട്ടി അവശത കാണിക്കുകയായിരുന്നു. തുടര്ന്ന് ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല.
