അടൂര് : ഏനാത്ത് പാലത്തില് നിന്നും താഴേയ്ക്ക് ചാടിയ പെണ്കുട്ടിയെ ഫയര് ഫോഴ്സ് സംഘം രക്ഷപെടുത്തി. ഏനാത്ത് പുതുശ്ശേരി ഭാഗത്തുള്ള പെണ്കുട്ടിയാണ് ആറ്റിലേക്ക് ചാടിയത്. ഇന്ന് ഉച്ചയ്ക്ക് മൂന്നുമണിയോടെയാണ് പാലത്തില് നിന്നും പെണ്കുട്ടി ആറ്റിലേക്ക് ചാടിയത്. എന്നാല് മുങ്ങിപോകാതെ പാലത്തിന്റെ തൂണിനടിയിലുള്ള ചതുപ്പില് പിടിച്ചു കിടന്ന നിലയിലാണ് കുട്ടിയെ കണ്ടെത്തിയത്. സംഭവം കണ്ടയുടന് തന്നെ പ്രദേശവാസികളായ രണ്ടുപേര് ആറ്റിലേക്ക് ചാടുകയും കുട്ടിയെ പാലത്തിന്റെ തൂണിനോട് ചേര്ത്ത് പിടിച്ചു നിര്ത്തുകയുമായിരുന്നു.
അടൂര് നിന്നും ഫയര് ഫോഴ്സ് സംഘം സ്ഥലത്തെത്തി വലയുപയോഗിച്ച് കുട്ടിയെ പുറത്തെടുത്ത് ആശുപത്രിയിലാക്കുകയായിരുന്നു. അടൂര് ഫയര് ഫോഴ്സ് അസിസ്റ്റന്റ് സ്റ്റേഷന് ഓഫീസര് ജയ്സന് തോമസ്, സീനിയര് റസ്ക്യു ഓഫീസര് അജിഖാന് യൂസഫ് എന്നിവര് രക്ഷാ പ്രവര്ത്തനത്തിന് നേതൃത്വം നല്കി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
