കൊച്ചി : കൊച്ചിയില് നാവികസേനയുടെ ഗ്ലൈഡര് തകര്ന്നു വീണു. ഗ്ലൈഡറിലുണ്ടായിരുന്ന രണ്ട് പേരുടെ നില ഗുരുതരമാണെന്നാണ് റിപ്പോര്ട്ടുകള്. രാവിലെ 7 മണിയോടെയാണ് അപകടം സംഭവിച്ചത്. ഗുരുതരമായി പരിക്കേറ്റ ഇരുവരേയും ഐ എന് എസ് സഞ്ജീവനിയിലേക്ക് മാറ്റിയിരിക്കുകയാണ്.
പരിശീലന പറക്കലിന് ഉപയോഗിക്കുന്ന ചെറുവിമാനമാണ് ഗ്ലൈഡര്. ഇതില് രണ്ട് പേര്ക്കാണ് സഞ്ചരിക്കാന് സാധിക്കുക. ഇന്ന് രാവിലെ നാവിക സേനയുടെ ക്വാര്ട്ടേഴ്സില് നിന്ന് പരിശീലനത്തിനായി പോകുമ്പോഴാണ് അപകടം ഉണ്ടായത്. നാവികസേനയുടെ ആസ്ഥാനത്തിന് സമീപത്തുള്ള ബി.ഒ.ടി പാലത്തിന് സമീപത്താണ് അപകടം ഉണ്ടായത്. പാലത്തിന് സമീപത്തുള്ള റോഡിന്റെ ഒഴിഞ്ഞ ഭാഗത്തേക്കാണ് ഗ്ലൈഡര് തകര്ന്നുവീണത്.
അതേസമയം രക്ഷാപ്രവര്ത്തനത്തിന് താമസം ഉണ്ടായതായി ദൃക്സാക്ഷികള് പറയുന്നു. അപകടം സംഭവിച്ച ഗ്ലൈഡര് സ്ഥലത്ത് നിന്നും മാറ്റിയിട്ടുണ്ട്.
