മാനന്തവാടി : പട്ടാപ്പകൽ കത്തികാട്ടി സ്വർണമാല അപഹരിക്കാൻ ശ്രമിച്ച യുവാവിനെ നാട്ടുകാർ പിടികൂടി പോലീസിൽ ഏൽപിച്ചു. ഇന്നലെ രാവിലെ 11 നായിരുന്നു സംഭവം. പിലാക്കാവ് കല്ലിങ്കൽ നിഖിൽ (27) ആണ് അറസ്റ്റിലായത്. പിലാക്കാവ് സ്വദേശി ഇബ്രാഹിമിന്റെ വീടിന്റെ അടുക്കള വാതിൽ വഴി അകത്തു കയറിയ നിഖിൽ 5 വയസ്സായ കുട്ടിയെയും മാതാവിനെയും കത്തി കാണിച്ച് ഭീഷണിപ്പെടുത്തി മോഷണം നടത്താൻ ശ്രമിച്ചു.
അമ്മയുടെയും കുഞ്ഞിന്റെയും കരച്ചിൽ കേട്ട് അയൽക്കാർ ഓടിയെത്തി. ഇതോടെ നിഖിൽ ഓടി രക്ഷപ്പെടാൻ ശ്രമിച്ചു. പിന്തുടർന്ന നാട്ടുകാർ നിഖിലിനെ കയ്യോടെ പിടികൂടി. മാനന്തവാടി എസ്ഐ ബിജു ആന്റണിയുടെ നേതൃത്വത്തിൽ പോലീസെത്തി നിഖിലിനെ അറസ്റ്റ് ചെയ്തു.