കൊച്ചി : സംസ്ഥാനത്ത് സ്വര്ണവില വീണ്ടും താഴ്ന്നു. 280 രൂപ കുറഞ്ഞ് ഒരു പവന് സ്വര്ണത്തിന്റെ വില 33,320 രൂപയായി. കഴിഞ്ഞ ദിവസങ്ങളില് സ്വര്ണവില ഉയര്ന്നിരുന്നു. 35 രൂപ കുറഞ്ഞ് ഒരു ഗ്രാം സ്വര്ണത്തിന്റെ വില 4165 രൂപയായി. ഏതാനും ദിവസങ്ങളായി സ്വര്ണ വില താഴേക്കു പതിച്ചുകൊണ്ടിരിക്കുകയാണ്. പത്തു മാസത്തെ താഴ്ന്ന നിരക്കിലേക്ക് കഴിഞ്ഞ അഞ്ചിനു വില എത്തിയിരുന്നു.
3,160 രൂപയാണ് അന്ന് രേഖപ്പെടുത്തിയ സ്വര്ണവില. സ്വര്ണ വില വരും ദിവസങ്ങളിലും ഏറ്റക്കുറിച്ചിലുകളോടെ തുടരാനാണ് സാധ്യത എന്നാണ് വിപണി വൃത്തങ്ങള് നല്കുന്ന സൂചന. ഡോളര് ശക്തിയാര്ജ്ജിക്കുന്നത് ഉള്പ്പെടെയുള്ള ഘടകങ്ങളാണ് സ്വര്ണവിലയില് പ്രതിഫലിക്കുന്നത്. ബജറ്റില് ഇറക്കുമതി തീരുവ കുറച്ചതിനെ തുടര്ന്ന് സ്വര്ണവില താഴ്ന്നിരുന്നു. പിന്നീട് ഉയര്ന്ന സ്വര്ണവില കഴിഞ്ഞ ഏതാനും ദിവസങ്ങളായി താഴേക്ക് പോകുന്നതാണ് ദൃശ്യമാകുന്നത്.
