തിരുവനന്തപുരം: സംസ്ഥാനത്ത് സ്വര്ണവിലയില് ഇടിവ് തുടരുന്നു. തിങ്കളാഴ്ച പവന് 80 രൂപയാണ് കുറഞ്ഞത്. 35120 രൂപയാണ് ഒരു പവന് സ്വര്ണത്തിന് ഇന്നത്തെ വില. ഗ്രാമിന് 10 രൂപ കുറഞ്ഞ് 4390 രൂപയുമായി. ഈ മാസത്തെ ഏറ്റവും കുറഞ്ഞ നിരക്കാണിത്. വെള്ളിയാഴ്ച ഗ്രാമിന് 60 രൂപയും പവന് 480 രൂപയും കുറഞ്ഞിരുന്നു. ഇതോടെ മൂന്നാഴ്ചക്കിടെ പവന്റെ വിലയില് 1,840 രൂപയുടെ കുറവാണുണ്ടായത്.
അതേസമയം കഴിഞ്ഞയാഴ്ചയിലെ കനത്ത തകര്ച്ചക്കുശേഷം ആഗോള വിപണിയില് സ്വര്ണവിലയില് ഉണര്വുണ്ടായി. സ്പോട് ഗോള്ഡ് വില 0.5ശതമാനമുയര്ന്ന് ഒരു ട്രോയ് ഔണ്സിന് 1,772.34 ഡോളറിലെത്തി. കഴിഞ്ഞയാഴ്ച വിലയില് ആറുശതമാനത്തോളം ഇടിവുണ്ടായശേഷമാണ് വിലയില് നേരിയ വര്ധനവുണ്ടായത്.
ജൂണ് മാസത്തിന്റെ തുടക്കത്തില് 36,880 രൂപയായിരുന്നു ഒരു പവന് സ്വര്ണത്തിന്റെ വില. ഒരു ഘട്ടത്തില് 36,960 രൂപ രേഖപ്പെടുത്തി ഈ മാസത്തെ ഏറ്റവും ഉയര്ന്ന നിലയില് എത്തിയിരുന്നു. പിന്നീട് വില താഴുന്നതാണ് കണ്ടത്. ആഗോള സാമ്പത്തിക രംഗത്തെ മാറ്റങ്ങളുടെ പ്രതിഫലനങ്ങളാണ് സ്വര്ണ വിപണിയില് ദൃശ്യമാവുന്നതെന്ന് സാമ്പത്തിക വിദഗ്ധര് പറയുന്നു. യുഎസ് ഡോളര് കരുത്താര്ജ്ജിക്കുന്നത് അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്.
