പാണ്ടിക്കാട് : ടൗണിന് സമീപം നിര്ത്തിയിട്ട ബൈക്കില്നിന്ന് 20 ലക്ഷം രൂപയുടെ സ്വര്ണാഭരണങ്ങള് മോഷ്ടിച്ച കേസിലെ മുഖ്യപ്രതിയെ പാണ്ടിക്കാട് പോലീസ് പിടികൂടി. പോരൂര് വീതനശ്ശേരി പടിഞ്ഞാറയില് ജയപ്രകാശിനെയാണ് (43) സ്റ്റേഷന് ഹൗസ് ഓഫിസര് പി.റഫീഖ്, എസ്.ഐ ഇ.എ അരവിന്ദന് എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്തത്. ഈമാസം 15 നാണ് സംഭവം. പാണ്ടിക്കാട്ടെ സ്വര്ണാഭരണ ശുദ്ധീകരണ കേന്ദ്രത്തിലെ തൊഴിലാളിയായ കിഷോര് രാത്രി ഒമ്പതിന് ഒറവംപുറത്തെ താമസസ്ഥലത്തേക്ക് പോകുംവഴി കടയില്നിന്ന് സാധനങ്ങള് വാങ്ങാന് ഇറങ്ങിയ തക്കത്തിന് ബൈക്കില് തൂക്കിയിരുന്ന സ്വര്ണമടങ്ങിയ കവര് മോഷ്ടിച്ചെന്നാണ് കേസ്.
സി.സി.ടി.വി ദൃശ്യങ്ങളും സ്വര്ണപ്പണിശാലകളും കേന്ദ്രീകരിച്ച് പോലീസ് നടത്തിയ അന്വേഷണത്തിലാണ് ജയപ്രകാശിനെക്കുറിച്ച് വിവരം ലഭിക്കുന്നത്. സംഭവം നടന്ന ശേഷം ജയപ്രകാശ് തെന്റ കട തുറന്നിരുന്നില്ല എന്ന കണ്ടെത്തലാണ് വഴിത്തിരിവായത്. മോഷ്ടിച്ച സ്വര്ണവും ഇയാളുടെ വീട്ടില്നിന്ന് പോലീസ് കണ്ടെടുത്തു. മോഷണത്തിന് സഹായം നല്കിയ എടവണ്ണ സ്വദേശി പ്രജിത്ത്, പന്നിപ്പാറ സ്വദേശി ശിഹാസ് എന്നിവരെ ഉടന് പിടികൂടുമെന്ന് പോലീസ് പറഞ്ഞു. പെരിന്തല്മണ്ണ കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. സി.പി.ഒ മാരായ പ്രശാന്ത്, ദിനേശ്, കൃഷ്ണകുമാര്, മനോജ്, ഷമീര്, മിര്ഷാദ് കൊല്ലേരി എന്നിവരും അന്വേഷണ സംഘത്തിലുണ്ടായിരുന്നു.
