തിരുവനന്തപുരം: ഗുണ്ടകളുമായുള്ള ബന്ധത്തെ തുടര്ന്ന് കോട്ടയത്ത് ഡിവൈഎസ്പി അടക്കം നാല് പേര്ക്കെതിരെ നടപടിക്ക് ശുപാര്ശ. ഐജിയുടെ റിപ്പോര്ട്ടിന്റെ അടിസ്ഥാനത്തിലാണ് പോലീസുകാര്ക്കെതിരെ നടപടിക്ക് ശുപാര്ശ ചെയ്തത്. കുപ്രസിദ്ധ ഗുണ്ടാ തലവന് അരുണ് ഗോപനുമായി ഡിവൈഎസ്പി അടക്കമുള്ള ഉന്നത പോലീസുകാര്ക്ക് അടുത്ത ബന്ധമുണ്ടെന്നും ഗുണ്ടാ നേതാവില് നിന്നും മാസപ്പടി പണം വാങ്ങിയെന്നുമാണ് കണ്ടെത്തല്.
മാസപ്പടി വാങ്ങിയവര് പോലീസിന്റെ നീക്കങ്ങള് ചോര്ത്തി നല്കിയെന്നും ചീട്ടുകളിക്ക് പിടിച്ച ഗുണ്ടക്ക് ജാമ്യം നല്കാന് ഒത്താശ ചെയ്തുവെന്നും കണ്ടെത്തി. ഒരു ഡിവൈഎസ്പി ഒരു സിഐ രണ്ട് പോലീസുകാര് എന്നിവര്ക്കെതിരെയാണ് വകുപ്പ് തല അന്വേഷണം നടക്കുന്നത്. ഹണി ട്രാപ്പ് കേസില് പിടികൂടിയപ്പോഴാണ് ഗുണ്ടയുടെ പോലീസ് സൗഹ്യദം പുറത്തായത്. അരുണ് ഗോപനില് നിന്നും പോലീസുകാര് മാസപ്പടി വാങ്ങിയെന്നാണ് അന്വേഷണ റിപ്പോര്ട്ടിലുള്ളത്. ഈ രഹസ്യങ്ങള് വെളിപ്പെടുത്താതിരിക്കാന് പ്രതിയെ ക്രമസമാധാന ചുമതയുള്ള ഡിവൈഎസ്പി സ്റ്റേഷനില് കയറി ഭീഷണിപ്പെടുത്തിയെന്നും അന്വേഷണത്തില് കണ്ടെത്തി.
