പത്തനംതിട്ട : ശബരിമല മകരവിളക്ക് ഉത്സവത്തിന് പന്തളത്തുനിന്നുള്ള തിരുവാഭരണ ഘോഷയാത്രക്ക് നേതൃത്വം നൽകുന്ന രാജപ്രതിനിധിയുടെ ഉടവാൾവാഹകനായിരുന്ന പനങ്ങാട് കീഴേടത്തുവീട്ടിൽ ഗോപാലകൃഷ്ണകുറുപ്പ് (79) വാദ്ധക്യ സഹജമായ അസുഖത്തെ തുടർന്ന് നിര്യാതനായി. തുടർച്ചയായി 50 വർഷത്തിലധികം രാജപ്രതിനിധിയോടൊപ്പം ഉടവാളും പരിചയും വഹിച്ച് തിരുവാഭരണ പേടകങ്ങളോടൊപ്പം ശബരിമല യാത്ര നടത്തിയിട്ടുണ്ട്. ഭാര്യ പ്രസന്നകുമാരി, മകൾ രശ്മി, മരുമകൻ അനൂപ്. സംസ്കാരം വ്യാഴാഴ്ച രാവിലെ 11 മണിക്ക്.
