മരങ്ങാട്ടുപള്ളി : ഞീഴൂർ ഒരുമ ചാരിറ്റബിൾ സൊസൈറ്റിയുടെ നേതൃത്വത്തിൽ സുമനസ്സുകളുടെ സഹായത്താൽ അസ്ഥി പൊടിയുന്ന അസുഖവുമായി കഴിയുന്ന ഗോപിക മോളും ആക്സിഡന്റിൽ അച്ഛൻ സുരേഷിന്റെ രണ്ട് കാലുകളും ഒടിഞ്ഞ് പണിയെടുക്കാൻ പറ്റാത്ത അവസ്ഥയിൽ പടുത വലിച്ചു കെട്ടിയ വീട്ടിൽ കഴിഞ്ഞിരുന്ന നാലാംഗ കുടുംബത്തിന് ഭവനം നിർമ്മിക്കുന്നതിന് തുടക്കം കുറിച്ചുകൊണ്ടുള്ള തറക്കല്ലിടീൽ കർമ്മം നിർവഹിച്ചു. ഉഴവൂർ ബ്ലോക്ക് പഞ്ചായത്ത് ആരോഗ്യ കാര്യ സ്റ്റാൻഡിങ് കമ്മറ്റി ചെയർമാൻ ജോൺസൺ പുളിക്കിയിൽ,ബ്ലോക്ക് മെമ്പർ ശ്രീ. രാമചന്ദ്രൻ, മരങ്ങാട്ടുപള്ളി ഗ്രാമ പഞ്ചായത്ത് വൈസ് പ്രസിഡന്റ് ശ്രീമതി. നിർമല ദിവാകാരൻ,ഒരുമയുടെ പ്രസിഡന്റ് കെ. കെ ജോസ് പ്രകാശ്, സുധീപ് നാരായണൻ,വാർഡ് മെമ്പർ ബെനറ്റ് പി. മാത്യു, എസ്എസ്എ കോട്ടയം ജില്ലാ കോർഡിനേറ്റർ മാണി, കുറവിലങ്ങാട് ബിആർസി മിനി, സോണിയ ഗോപി , സെന്റ്. തോമസ് എച് എസ് സ്കൂൾ ഹെഡ്മാസ്റ്റർ സണ്ണി സി. എ,അധ്യാപകരായ അനീഷ് ജോർജ്, സിസ്റ്റർ.അനുപ,കൂടതെ മരങ്ങാട്ടുപള്ളി ബ്ലോക്ക് പഞ്ചായത്ത്, ഗ്രാമ പഞ്ചായത്ത് മെമ്പർമാരായ ശ്രീ. ജോസഫ്, ശ്രീമതി. സലിമോൾ,ശ്രീ. സന്തോഷ് എം. എൻ, സാമുദായിക നേതാക്കൾ എന്നിവരുടെ സാന്നിധ്യത്തിൽ ഉഴവൂർ ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീമതി. സിന്ധു മോൾ ജേക്കബ്, മരങ്ങാട്ടുപള്ളി ഗ്രാമ പഞ്ചായത്ത് പ്രസിഡന്റ് ശ്രീ. ബെൽജിയും സംയുക്തമായി തറക്കല്ലിടീൽ കർമ്മം നിർവഹിച്ചു. വീടിന്റെ പണി ഡിസംബർ 31 ന് അകം പൂർത്തീകരിക്കുമെന്ന് ഒരുമയുടെ ഭാരവാഹികൾ ആയ ഷാജി അഖിൽ നിവാസ്, ഷിജു കൊടിപ്പറമ്പിൽ, ജോയി മയിലംവേലി, അസറുദീൻ, ബിന്റു തോമസ് എന്നിവർ അറിയിച്ചു.
