പിഎസ്സി പരീക്ഷാ കേന്ദ്രത്തില് മാറ്റം
കേരള പബ്ലിക് സര്വീസ് കമ്മീഷന് മെയ് 16 ഉച്ചയ്ക്ക് 1.30 മുതല് 3.05 വരെ നടത്താനിരുന്ന ഡിഗ്രി ലെവല് പ്രിലിമിനറി പരീക്ഷ കേന്ദ്രത്തിന് മാറ്റമുണ്ടെന്ന് ജില്ല പിഎസ് സി ഓഫീസര് അറിയിച്ചു. പരുമല ഡി ബി എച്ച്എസ്എസ് പരീക്ഷ കേന്ദ്രത്തില് ഉള്പ്പെടുത്തിയിരുന്ന രജിസ്റ്റര് നമ്പര് 1248375 മുതല് 1248574 വരെയുള്ള ഉദ്യോഗാര്ഥികള്ക്ക് തിരുവല്ല കാവുംഭാഗം ഡി ബി എച്ച്എസ്എസ് എന്ന പുതിയ പരീക്ഷകേന്ദ്രം മാറ്റി അനുവദിച്ചിട്ടുണ്ട്. ഉദ്യോഗാര്ഥികള് പ്രൊഫൈലില് നിന്ന് ഡൗണ്ലോഡ് ചെയ്ത് പഴയ പരീക്ഷ കേന്ദ്രത്തിന്റെ പേര് രേഖപ്പെടുത്തിയ അഡ്മിഷന് ടിക്കറ്റ് അല്ലെങ്കില് പുതിയ പരീക്ഷ കേന്ദ്രത്തിന്റെ പേര് രേഖപ്പെടുത്തിയ അഡ്മിഷന് ടിക്കറ്റ്, കമ്മീഷന് അംഗീകരിച്ച തിരിച്ചറിയല് കാര്ഡിന്റെ അസല് എന്നിവയുമായി പരീക്ഷയ്ക്ക് ഹാജരാകണം. വിവരങ്ങള്ക്ക് കേരള പി എസ് സി വെബ്സൈറ്റ് സന്ദര്ശിക്കണം. ഫോണ് – 0468 2222665.
പ്രീമെട്രിക് ഹോസ്റ്റല് പ്രവേശനം
പട്ടികജാതി വികസന വകുപ്പിന്റെ തിരുവല്ലയിലെ പെണ്കുട്ടികളുടെ പ്രീമെട്രിക് ഹോസ്റ്റലിലേക്ക് 2026 – 27 അധ്യയന വര്ഷം അഞ്ച് മുതല് 10 വരെയുള്ള ക്ലാസുകളിലേക്ക് പ്രവേശനം ആരംഭിച്ചു. പട്ടികജാതി വിഭാഗം, പട്ടികവര്ഗ വിഭാഗം, പിന്നാക്ക വിഭാഗം, ജനറല് വിഭാഗം എന്നിവയിലേക്കാണ് പ്രവേശനം. എല്ലാ ദിവസവും ട്യൂഷനും ലൈബ്രറി സേവനവും രാത്രികാല പഠനത്തിനും സംരക്ഷണത്തിനുമായി റസിഡന്റ് ട്യൂട്ടറുടെ സേവനവും ലഭിക്കും. മെനു അനുസൃതമായ സമീകൃത ആഹാരം, സ്കൂള്, ഹോസ്റ്റല് യൂണിഫോമുകള്, കൃത്യമായ ഇടവേളകളില് വൈദ്യപരിശോധന എന്നിവയുണ്ട്. ഫോണ് – 8281081890, 8547630038. ഇ – മെയില് [email protected]
പ്രീമെട്രിക് ഹോസ്റ്റല് പ്രവേശനം
പട്ടികജാതി വികസനവകുപ്പിന്റെ പത്തനംതിട്ട കല്ലറകടവിലെ ആണ്കുട്ടികളുടെ പ്രീമെട്രിക് ഹോസ്റ്റലിലേക്ക് 2026-27 അധ്യയന വര്ഷം അഞ്ച് മുതല് 10 വരെയുള്ള ക്ലാസുകളിലേക്കുള്ള പ്രവേശനം ആരംഭിച്ചു. പട്ടികജാതി വിഭാഗം, പട്ടികവര്ഗ വിഭാഗം, പിന്നാക്ക വിഭാഗം, ജനറല് വിഭാഗം എന്നിവയിലേക്കാണ് പ്രവേശനം. എല്ലാ ദിവസവും ട്യൂഷനും ലൈബ്രറി സേവനവും രാത്രികാല പഠനത്തിനും സംരക്ഷണത്തിനുമായി റസിഡന്റ് ട്യൂട്ടറുടെ സേവനവും ലഭിക്കും. മെനു അനുസൃതമായ സമീകൃത ആഹാരം, സ്കൂള്, ഹോസ്റ്റല് യൂണിഫോമുകള്, കൃത്യമായ ഇടവേളകളില് വൈദ്യപരിശോധന എന്നിവയുണ്ട്.
ഫോണ് – 9544788310, 8547630042. ഇ – മെയില് – [email protected]
—
താലൂക്ക്തല ഓപ്പണ് ഫോറം
ഗാര്ഹിക പാചക വാതക സിലിണ്ടറുകളുടെ വിതരണം കാര്യക്ഷമമായും പരാതി രഹിതവുമായി നടത്തുന്നതിന് താലൂക്ക്തല ഓപ്പണ് ഫോറം മെയ് 20 രാവിലെ 11 ന് റാന്നി ബ്ലോക്ക് പഞ്ചായത്ത് കോണ്ഫറന്സ് ഹാളില് ചേരുമെന്ന് റാന്നി താലൂക്ക് സപ്ലൈ ഓഫീസര് അറിയിച്ചു. ഫോണ് – 04735 227504.
—
ഊര്ജിത ഉറവിട നശീകരണ പ്രവര്ത്തനം
ദേശീയ ഡെങ്കി ദിനമായ മെയ് 16 ന് കളക്ടറേറ്റിലും ജില്ലയിലെ മറ്റു സര്ക്കാര് ഓഫീസുകളിലും ഊര്ജിത ഉറവിട നശീകരണ പ്രവര്ത്തനം നടത്തും. ഉറവിട നശീകരണത്തിലൂടെ രോഗത്തെ അകറ്റാം എന്നതാണ് ഈ വര്ഷത്തെ കാമ്പയിന് സന്ദേശം. എല്ലാ ശനിയാഴ്ചകളിലും സര്ക്കാര് ഓഫീസുകളില് ഊര്ജിത ഉറവിട നശീകരണ പ്രവര്ത്തനം സംഘടിപ്പിക്കും.
