തിരുവനന്തപുരം : പാലക്കാട് – കോഴിക്കോട് ഗ്രീന്ഫീല്ഡ് ദേശീയപാതയുടെ സ്ഥലമേറ്റടുക്കലിന്റെ ഭാഗമായുള്ള ജില്ലയിലെ കല്ലിടലിന് തുടക്കമായി. പാലക്കാട് ജില്ലയില് നിന്നും പാത മലപ്പുറം ജില്ലയിലേക്ക് പ്രവേശിക്കുന്ന എടപ്പറ്റ ഗ്രാമപഞ്ചായത്തിലെ മൂനാടിയിലെ കര്ഷകനായ ഉമ്മറിന്റെ സ്ഥലത്താണ് ആദ്യ കല്ല് പാകിയത്.
പെരിന്തല്മണ്ണ, നിലമ്പൂര്, ഏറനാട്, കൊണ്ടോട്ടി താലൂക്കുകളിലെ 15 വില്ലേജുകളില് കൂടി പാത കടന്നുപോകും. 121 കിലോമീറ്റര് പാതയിലെ 52.8 കി.മീ. ജില്ലയിലാണ്. എടപ്പറ്റ, കരുവാരക്കുണ്ട്, തുവൂര്, ചെമ്ബ്രശ്ശേരി, വെട്ടിക്കാട്ടിരി, പോരൂര്, എളങ്കൂര്, കാരക്കുന്ന്, പെരകമണ്ണ, കാവനൂര്, അരീക്കോട്, മുതുവല്ലൂര്, ചീക്കോട്, വാഴക്കാട്, വാഴയൂര്, വില്ലേജുകളിലൂടെയാണ് ജില്ലയിലെ പാത കടന്നുപോകുന്നത്.
