പത്തനംതിട്ട : ഭക്ഷ്യവസ്തുക്കൾക്ക് ഏർപ്പെടുത്തിയ ജി എസ് ടി പിൻവലിക്കണമെന്ന് കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ സംസ്ഥാന വൈസ് പ്രസിഡന്റ് കെ എം രാജാ ആവശ്യപ്പെട്ടു. ജി എസ് ടി നിരക്ക് ഏർപ്പെടുത്തിയതോടെ ജനങ്ങളുടെ മേൽ അമിതവില അടിച്ചേൽപ്പിക്കുക ആണെന്നും അത് ഹോട്ടൽ വ്യവസായത്തെ പ്രതികൂലമായി ബാധിക്കുമെന്നും ഭക്ഷണ വിലവർധനയിലൂടെ അല്ലാതെ ഇത് പരിഹരിക്കാൻ സാധിക്കില്ലെന്നും അദ്ദേഹം പറഞ്ഞു.
കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ കൊല്ലകടവ് യൂണിറ്റിനെ ഉദ്ഘാടനം നിർവഹിക്കുകയായിരുന്നു അദ്ദേഹം. യോഗത്തിൽ ജില്ലാ പ്രസിഡന്റ് നാസർ പി താജ് അധ്യക്ഷത വഹിച്ചു. എസ് കെ നസീർ സ്വാഗതമാശംസിച്ചു. എസ്എസ്എൽസി പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെ ചെറിയനാട് ഗ്രാമപഞ്ചായത്ത് പ്രസിഡന്റ് പ്രസന്ന രമേശ് അനുമോദിച്ചു. മുതിർന്ന വ്യാപാരികളെ സംസ്ഥാന സെക്രട്ടറി റോയി മഡോണ ആദരിച്ചു. ദിലീപ് സി മൂലയിൽ മുഹമ്മദ് കോയ, തുടങ്ങിയവർ പ്രസംഗിച്ചു.
