കൊച്ചി : കൊച്ചിയില് തോക്കുകള് പിടികൂടി. സ്വകാര്യ കമ്പനിയിലെ സുരക്ഷാ ജീവനക്കാരില് നിന്ന് പതിനെട്ട് തോക്കുകളാണ് പിടികൂടിയത്. ഇന്ന് ഉച്ചതിരിഞ്ഞാണ് സംഭവം.
എടിഎമ്മില് പണം നിറയ്ക്കുന്നതിന് സുരക്ഷ നല്കുന്ന മുംബൈയിലെ സ്വകാര്യ ഏജന്സിയിലെ ജീവനക്കാരില്നിന്നാണ് തോക്ക് പിടികൂടിയത്. തോക്കുകള്ക്ക് ലൈസന്സ് ഉണ്ടോ എന്ന് പോലീസ് പരിശോധിച്ചുവരികയാണ്. ലൈസന്സില്ലെങ്കില് കേസെടുക്കുമെന്ന് പോലീസ് അറിയിച്ചു. തിരുവനന്തപുരത്ത് തോക്ക് പിടികൂടിയ സംഭവത്തിന് പിന്നാലെ പോലീസ് പരിശോധ കര്ശനമാക്കിയിരുന്നു. ഇതിനിടെയാണ് കൊച്ചിയില് തോക്ക് പിടികൂടിയ സംഭവം റിപ്പോര്ട്ട് ചെയ്തിരിക്കുന്നത്.
