തിരുവല്ല : എസ്.എൻ.ഡി.പി.യോഗം തിരുവല്ല യൂണിയൻ യൂത്ത് മൂവ്മെന്റിന്റെയും സൈബർസേനയുടെയും ആഭിമുഖ്യത്തിൽ നടത്തുന്ന ഗുരുവിചാര ജ്ഞാനയജ്ഞം മല്ലപ്പള്ളി 863 -ാം ശാഖയിൽ പത്താമത് വേദിയായി. യോഗം അസിസ്റ്റന്റ് സെക്രട്ടറി പി.എസ്. വിജയൻ സമ്മേളനം ഉദ്ഘാടനം ചെയ്തു. ശാഖാ പ്രസിഡന്റ് ജയൻ സി.വി അദ്ധ്യക്ഷത വഹിച്ചു. യൂണിയൻ യൂത്ത്മൂവ്മെന്റ് കൺവീനർ അനീഷ് ആനന്ദ് മഹായജ്ഞ സന്ദേശം നൽകി. സൈബർസേന കേന്ദ്രസമിതി ജോയിന്റ് കൺവീനർ ശരത് ശശി സംഘടനാ സന്ദേശം നൽകി.
യൂണിയൻ വനിതാസംഘം പ്രസിഡന്റ് സുമാ സജികുമാർ, പെൻഷനേഴ്സ് കൗൺസിൽ കൺവീനർ പത്മജ സാബു, യൂണിയൻ യൂത്ത്മൂവ്മെന്റ് സൈബർസേന ഭാരവാഹികളായ, ഹരിലാൽ എസ്, ദിപിൻ ദിവാകരൻ, സനോജ് കളത്തുങ്കൽ, ധീരജ് പി.ദേവരാജ്, ശാഖാ വനിതാസംഘം സെക്രട്ടറി ചന്ദ്രിക, യൂത്ത്മൂവ്മെന്റ് സെക്രട്ടറി തേജസ്, ശാഖാ സെക്രട്ടറി ഷൈലജ മനോജ്, യൂണിയൻ സൈബർസേന കൺവീനർ ബിബിൻ ബിനു എന്നിവർ സംസാരിച്ചു.
