ഇടുക്കി : ജില്ലാ ഒളിമ്പിക് ഗെയിംസിനോടനുബന്ധിച്ചുള്ള ഹാന്‍ഡ് ബോള്‍ മത്സരങ്ങളുടെ വിജയകരമായ നടത്തിപ്പിന് സംഘാടക സമിതി രൂപീകരിച്ചു. കുമാരമംഗലം എം.കെ.എന്‍.എം. ഹയര്‍ സെക്കണ്ടറി സ്കൂളില്‍ ചേര്‍ന്ന യോഗം വില്ലേജ് ഇന്റര്‍നാഷണല്‍ സ്കൂള്‍ മാനേജിംഗ് ഡയറക്ടര്‍ ആര്‍.കെ.ദാസ് രക്ഷാധികാരിയും കുമാരമംഗലം ഗ്രാമ പഞ്ചായത്തു പ്രസിഡന്റ് ഷെമീന നാസര്‍ ചെയര്‍മാനും അന്‍വര്‍ ഹുസൈന്‍ ജനറല്‍ കണ്‍വീനറുമായി വിപുലമായ സംഘാടക സമിതി രൂപീകരിച്ചു.
മത്സരങ്ങള്‍ ജനുവരി 16 ന് കുമാരമംഗലം എം.കെ.എന്‍.എം.ഹയര്‍ സെക്കണ്ടറി സ്കൂളില്‍ വെച്ചു നടത്തുവാന്‍ യോഗം തീരുമാനിച്ചു. ജില്ലാ ഹാന്‍ഡ് ബോള്‍ അസോസിയേഷന്‍ പ്രസിഡന്റ് പി. അജീവ് അദ്ധ്യക്ഷനായിരുന്നു.പഞ്ചായത്ത് വൈസ് പ്രസിഡന്റ് സജി ചെമ്പകശ്ശേരി യോഗം ഉദ്ഘാടനം ചെയ്തു. ജില്ലാ ഒളിമ്പിക് അസോസിയേഷന്‍ ജോയിന്റ് സെക്രട്ടറിയും നിരീക്ഷകനുമായ കെ. ശശിധരന്‍, കേരള സ്റ്റേറ്റ് സ്പോര്‍ട്ട്സ് കൗണ്‍സില്‍ അംഗം റഫീക് പള്ളത്തുപറമ്പില്‍ എന്നിവര്‍ സംസാരിച്ചു.
