ഹൈദരാബാദ് : തെലങ്കാനയില് രണ്ട് യുവതികളെ മരത്തില് തൂങ്ങി മരിച്ചനിലയില് കണ്ടെത്തി. ഇവരില് ഒരാളുടെ മകളെ വിഷം കൊടുത്ത് കൊലപ്പെടുത്തിയ നിലയില് സമീപത്ത് നിന്ന് കണ്ടെടുത്തതായും പോലീസ് പറഞ്ഞു. മെഡ്ചൽ ജില്ലയിലാണ് സംഭവം. മൃതദേഹം കണ്ടെത്തിയ പ്രദേശവാസികളാണ് പോലീസിനെ വിവരമറിയിച്ചത്. 8 വയസുള്ള പെൺകുട്ടിയെ സ്ത്രീകളുടെ മൃതദേഹത്തിനടുത്ത് മരിച്ച നിലയിൽ കണ്ടെത്തി.
കരിംനഗര് സ്വദേശികളായ അരേകാല സുമതി (25), ശ്രീരാമുല അനുഷ (25), ഇവരുടെ മകള് ഉമാ മഹേശ്വരി (8) എന്നിവരാണ് മരിച്ചതെന്ന് ജവഹര്നഗര് പോലിസ് തിരിച്ചറിഞ്ഞിട്ടുണ്ട്. രണ്ട് മരങ്ങളിലായാണ് ഇവര് തൂങ്ങിയത്. യുവതികള് ഇരുവരും ജീവനൊടുക്കിയതാവാമെന്നാണ് പോലിസ് നിഗമനം. അതേസമയം കുട്ടിയുടെ മരണകാരണം പോസ്റ്റ്മോര്ട്ടത്തിന് ശേഷമേ വ്യക്തമാകൂവെന്ന് പോലിസ് പറഞ്ഞു.
