കൊച്ചി : വളരെ ചുരുങ്ങിയ കാലം കൊണ്ട് തന്നെ മലയാള സിനിമയിലെ ഓള് റൗണ്ടറായി മാറിയ താരമാണ് പൃഥ്വിരാജ്. നടന്, ഗായകന്, നിര്മ്മാതാവ്, സംവിധായകന് അങ്ങനെ തൊട്ടതെല്ലാം പൊന്നാക്കിയ മലയാളത്തിന്റെ സ്വന്തം പൃഥ്വിരാജിന് ആരാധകരുടെ രാജുവേട്ടന് ഇന്ന് 40 വയസ് തികയുകയാണ്. സഹപ്രവര്ത്തകരും ആരാധകരുമെല്ലാം പൃഥ്വിയ്ക്ക് ജന്മദിനാശംസകള് നേര്ന്നു. 1982 ഒക്ടോബര് 16നാണ് താരദമ്പതികളായ സുകുമാരന്, മല്ലിക എന്നിവരുടെ രണ്ടാമത്തെ മകനായി പൃഥ്വിരാജ് ജനിച്ചത്.
നടന് ഇന്ദ്രജിത്താണ് പൃഥ്വിരാജിന്റെ സഹോദരന്. തിരുവനന്തപുരം സൈനിക് സ്കൂളിലും ഭാരതീയ വിദ്യാഭവനിലും പഠനം പൂര്ത്തിയാക്കി. തുടര്ന്ന് ഓസ്ട്രേലിയയില് വിവര സാങ്കേതിക വിദ്യയില് ബിരുദ കോഴ്സിനു ചേര്ന്നു. എന്നാല് പഠനം പൂര്ത്തിയാക്കുന്നതിനു മുമ്പ് തന്നെ പൃഥ്വിരാജ് അഭിനയ രംഗത്തേയ്ക്ക് കടന്നുവന്നു.
