കണ്ണൂര് : തലശ്ശേരിയില് സിപിഐ എം പ്രവര്ത്തകനായ ഹരിദാസിനെ കൊലപ്പെടുത്തിയ സംഭവത്തില് നാല് ആര്എസ്എസ് പ്രവര്ത്തകര് പോലീസ് കസ്റ്റഡിയില്. കൂടുതല് വിവരങ്ങള് ഉടന് ലഭിക്കുമെന്നാണ് സൂചന. ഇന്ന് പുലര്ച്ചെയായിരുന്നു ജോലി കഴിഞ്ഞ് മടങ്ങവെ മത്സ്യത്തൊഴിലാളിയായ ന്യൂമാഹി പുന്നോല് സ്വദേശി ഹരിദാസ് കൊല്ലപ്പെട്ടത്. ബൈക്കുകളില് എത്തിയ ആര്എസ്എസ് സംഘമാണ് ഹരിദാസിനെ കൊലപ്പെടുത്തിയത്. ബന്ധുക്കളുടെ മുന്നില് വെച്ചായിരുന്നു കൊലപാതകം. ശരീരമാസകലം ആഴത്തിലുള്ള മുറിവുകളുണ്ട്. ഹരിദാസിന്റെ ഇടതുകാല് വെട്ടിമാറ്റിയ നിലയിലായിരുന്നു.
