കാറോടിക്കുന്നതിനിടെ ഹൃദയാഘാതo ; മധ്യവയസ്‌കന്‍ മരിച്ചു

വൈത്തിരി : കാറോടിക്കുന്നതിനിടെ ഹൃദയാഘാതമനുഭവപ്പെട്ട മധ്യവയസ്‌കന്‍ മരിച്ചു. കാര്‍ അപകടത്തില്‍പെട്ടു. ആശുപത്രിയിലേക്കുള്ള വഴിമധ്യേ ഇദ്ദേഹം മരണമടയുകയും ചെയ്തു. കോടഞ്ചേരി തുരുത്തിയില്‍ വീട്ടില്‍ കുര്യന്‍ (62) ആണ് മരിച്ചത്. ഇദ്ദേഹം ഓടിച്ച കാര്‍ ഇടിച്ചു പടിഞ്ഞാറത്തറ പോലീസ് സ്റ്റേഷനിലെ സി.പി.ഒ ജിതേഷിന്(33) പരിക്കേറ്റു. ഇന്ന് ഉച്ചക്ക് 12 മണിക്കാണ് സംഭവം. ഭാര്യ ഏലിയാമ്മയോടൊത്ത് ചുണ്ടേല്‍ ബന്ധുവീട്ടിലേക്കുള്ള യാത്രക്കിടെയാണ് തളിപ്പുഴയില്‍ വെച്ച്‌ കുര്യന് നെഞ്ചുവേദന അനുഭവപ്പെട്ടത്. നിയന്ത്രണം വിട്ട കാര്‍ സ്‌കൂട്ടറിലും തുടര്‍ന്ന് കല്ലിലും ഇടിച്ചു നില്‍ക്കുകയായിരുന്നു. കല്‍പ്പറ്റയിലെ സ്വകാര്യ ആശുപത്രിയില്‍കൊണ്ടുപോയെങ്കിലും മരണപ്പെട്ടു.