മലമ്പുഴ : ചേറാട് കൂമ്പാച്ചി മലയില് കുടുങ്ങി സൈന്യം രക്ഷപ്പെടുത്തിയ ബാബുവിനെ കാണാന് രക്ഷാപ്രവര്ത്തനത്തിനു നേതൃത്വം നല്കിയ ലഫ്.കേണല് ഹേമന്ത് രാജെത്തി. ഇന്നലെ വൈകീട്ടു നാലോടെയാണ് അദ്ദേഹം മലമ്പുഴയിലെത്തിയത്. ബാബുവിനെ വീട്ടിലെത്തി കണ്ട ഹേമന്ത് രാജ് ബാബുവിനായി സമ്മാനവും കരുതിയിരുന്നു.
ബാബുവിനും കുടുംബത്തോടുമൊപ്പം അല്പസമയം ചെലവഴിച്ചാണ് അദ്ദേഹം മടങ്ങിയത്. ബാബുവിനെ കാണാന് രക്ഷാപ്രവര്ത്തനത്തിനു ശേഷം ജില്ലാ ആശുപത്രിയില് അദ്ദേഹം പോയിരുന്നു. എന്നാല് അന്ന് കൂടുതല് സംസാരിക്കാനാകാത്തതിനാല് പിന്നീട് വരാമെന്ന് അദ്ദേഹം ബാബുവിന് ഉറപ്പ് നല്കുകയായിരുന്നു. ആ വാക്ക് പാലിച്ചാണ് ഹേമന്ത് രാജ് ഇന്നലെ ബാബുവിന്റെ വീട്ടിലെത്തിയത്.
