വിശാഖപട്ടണം: ആന്ധ്രപ്രദേശിലെ എണ്ണ ശുദ്ധീകരണ ശാലയില് വന് തീപിടുത്തം. വിശാഖപട്ടണം ഹിന്ദുസ്ഥാന് പെട്രോളിയം കോര്പ്പറേഷന് ലിമിറ്റഡിലാണ് (എച്ച്.പി.സി.എല്) തീപിടുത്തമുണ്ടായത്.
രക്ഷാപ്രവര്ത്തനത്തിന് ഇന്ത്യന് നേവിയും അഗ്നിരക്ഷാ സേനയും സ്ഥലത്തെത്തിയിട്ടുണ്ട്. അപകടത്തിന്റെ കാരണം വ്യക്തമല്ല.
എച്ച്.പി.സി.എല്ലിലെ എല്ലാ ജീവനക്കാരെയും സുരക്ഷിത സ്ഥാനത്തേക്ക് നീക്കിയതായാണ് വിവരം. ആളപായമൊന്നും ഇതുവരെ റിപ്പോര്ട്ട് ചെയ്തിട്ടില്ല. അപകടം നടക്കുമ്പോള് ആറു ജീവനക്കാര് സ്ഥലത്തുണ്ടായിരുന്നതായാണ് വിവരം. തീപിടുത്തത്തിന്റെ വീഡിയോ ദൃശ്യങ്ങള് പുറത്തുവന്നു. ശാലയില്നിന്ന് കനത്ത പുകയും തീയും ഉയരുന്നതിന്റെ വീഡിയോയാണ് പുറത്തുവന്നത്. തീ ഇതുവരെ നിയന്ത്രണ വിധേയമായിട്ടില്ലെന്നാണ് വിവരം. ക്രൂഡ് ഡിസ്റ്റിലേഷന് യൂനിറ്റിലെ (സി.ഡി.യു) പൈപ്പ് ലൈനിലുണ്ടായ ചോര്ച്ചയാണ് അപകടകാരണമെന്നാണ് പ്രാഥമിക നിഗമനം. അപകടത്തെ തുടര്ന്ന് സി.ഡി.യു താല്കാലികമായി അടച്ചു.
