ഉത്തര്പ്രദേശ് : ഹോട്ടൽ ലെവാന സ്യൂട്ട് തീപിടിത്തക്കേസിൽ ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ ഉത്തരവ് പ്രകാരം അഞ്ച് സർക്കാർ വകുപ്പുകളിലെ 19 ഉദ്യോഗസ്ഥരെ സസ്പെൻഡ് ചെയ്തു. നാല് പേരുടെ മരണത്തിനിടയാക്കിയത് ഹോട്ടൽ ഉദ്യോഗസ്ഥരുടെ അനാസ്ഥയാണെന്ന് അന്വേഷണത്തിൽ കണ്ടെത്തിയിരുന്നു. സെപ്തംബർ 5നാണ് അപകടം ഉണ്ടായത്. ലഖ്നൗ പോലീസ് കമ്മീഷണർ എസ്.ബി ഷിരാദ്കറും കമ്മീഷണർ (ലക്നൗ ഡിവിഷൻ) റോഷൻ ജേക്കബും അടങ്ങുന്ന രണ്ടംഗ അന്വേഷണ സമിതി റിപ്പോർട്ട് സമർപ്പിച്ചതിനെ തുടർന്നാണ് നടപടി.
