സൗത്ത് ഐലന്ഡ് : തിമിംഗലവുമായി ബോട്ട് കൂട്ടിയിടിച്ച് ഉണ്ടായ അപകടത്തില് 5 പേര് മരിച്ചു. ന്യൂസിലാന്ഡിലെ സൗത്ത് ഐലന്ഡിലായിരുന്നു സംഭവം. തിമിംഗലവുമായി കൂട്ടിയിടിച്ച ബോട്ട് നിശ്ശേഷം തകര്ന്നതായി അന്താരാഷ്ട്ര മാധ്യമം റിപ്പോര്ട്ട് ചെയ്തു.
പക്ഷി നിരീക്ഷകരായ 11 യാത്രികരാണ് ബോട്ടില് ഉണ്ടായിരുന്നത്. ഇവരുമായി പോയ ബോട്ട് പ്രാദേശിക സമയം പകല് 10.00നാണ് തിമിംഗലവുമായി കൂട്ടിയിടിച്ച് അപകടത്തില് പെട്ടത്. ഏഴ് മണിക്കൂര് നീണ്ടു നിന്ന രക്ഷാപ്രവര്ത്തനത്തിന് ശേഷമാണ് അപകടത്തില് പെട്ട ബോട്ടില് ഉണ്ടായിരുന്ന 6 പേരെ രക്ഷപ്പെടുത്തിയത്. ഇവര്ക്ക് ഗുരുതരമായി പരിക്കേറ്റിരുന്നു.
തിമിംഗലങ്ങള് തീരത്തോട് അടുക്കുന്ന കാലമാണ് ഇതെങ്കിലും ഇത്തരത്തിലുള്ള അപകടങ്ങള് അപൂര്വ്വമാണെന്ന് സൗത്ത് ഐലന്ഡ് പോലീസ് പറഞ്ഞു. മേഖലയില് സ്പേം തിമിംഗലങ്ങള് സാധാരണമാണ്. എന്നാല് ഹമ്ബ്ബാക്ക് തിമിംഗലമാകാം അപകടത്തിന് കാരണമെന്നാണ് പ്രാഥമിക നിഗമനമെന്നും പോലീസ് അറിയിച്ചു.
