കോഴിക്കോട് : രാഷ്ട്രീയം മതിയാക്കുന്നതായി ഹരിത മുന് സംസ്ഥാന സെക്രട്ടറി മിന ജലീല്. ലൈംഗികാധിക്ഷേപമടക്കമുള്ള പരാതികളില് മുസ്ലിംലീഗ് നേതൃത്വത്തിന്റെ നിലപാടില് മനംമടുത്താണ് തീരുമാനം. അധിക്ഷേപം നടത്തിയ എംഎസ്എഫ് സംസ്ഥാന പ്രസിഡന്റ് പി കെ നവാസടക്കം മൂന്നു നേതാക്കള്ക്കെതിരെ പരാതി നല്കിയതില് മിനയുമുണ്ടായിരുന്നു. എന്നാല് ഹരിത കമ്മിറ്റി പിരിച്ചുവിട്ട് സത്രീവിരുദ്ധര്ക്ക് പിന്തുണ പ്രഖ്യാപിച്ചിരിക്കുകയാണ് ലീഗ്.
ഈ സാഹചര്യത്തിലാണ് വേദനയോടെ രാഷ്ട്രീയം നിര്ത്തുകയാണെന്ന മിനയുടെ പ്രഖ്യാപനം. നവാസടക്കമുള്ളവര് നടത്തിയ പരാമര്ശങ്ങളും അതിനെതിരായ നിലപാടിലും മാറ്റമില്ലെന്ന് വ്യക്തമാക്കി ഫെയ്സ് ബുക്കില് എഴുതിയ കുറിപ്പിലാണ് മിന ലീഗ് രാഷ്ട്രീയം ഉപേക്ഷിക്കുന്നതായി അറിയിച്ചത്. ഫാറൂഖ് കോളേജിന്റെ ചരിത്രത്തിലാദ്യമായി യൂണിയന് ചെയര്പേഴ്സണായി തെരഞ്ഞെടുക്കപ്പെട്ടയാളാണ് മിന.
