കൊച്ചി: കരുണ എന്ന് പേരിട്ടു നടത്തിയ സംഗീത നിശ ഒരു വലിയ തട്ടിപ്പായിരുന്നു എന്ന് വ്യക്തമാവുകയാണെന്നും കണക്കുകള് ആഷിക് അബു പൊതുസമൂഹത്തിനു മുന്നില് വയ്ക്കണമെന്നും ഹൈബി ഈഡന് എം.പി ആവശ്യപ്പെട്ടു.
മുഖ്യമന്ത്രിയുടെ ദുരിതാശ്വാസ നിധിയിലേക്ക് പ്രളയ ഫണ്ട് സ്വരൂപിക്കാനെന്ന പേരില് കൊച്ചി മ്യൂസിക് ഫൗണ്ടേഷന് നടത്തിയ സംഗീത പരിപാടിയ്ക്കെതിരെ ഹൈബി ഈഡനും രംഗത്തെത്തിയതോടെ സംഭവം കൊഴുക്കുകയാണ്. പരിപാടി വലിയ തട്ടിപ്പാണെന്ന് വ്യക്തമാവുകയാണെന്നും ആഷിക് അബു ഇത് സംബന്ധിച്ചു വ്യക്തമായ കണക്കുകള് പൊതുസമൂഹത്തിനു മുന്നില് വയ്ക്കണമെന്നും ഹൈബി ഈഡന് ആവശ്യപ്പെട്ടു. ഫേസ്ബുക്കിലൂടെയാണ് ഹൈബിയുടെ പ്രതികരണം. പോസ്റ്റ് വായിക്കാം…..
രണ്ടായിരത്തി പതിനെട്ടിന് ഉണ്ടായ പ്രളയത്തിന് ദുരിതാശ്വാസത്തിനു വേണ്ടിയുള്ള ധനശേഖരണാര്ത്ഥം കൊച്ചി മ്യൂസിക് ഫൗണ്ടേഷന് നടത്തിയ സംഗീത നിശയുമായി ബന്ധപ്പെട്ട ആരോപണങ്ങള് കഴിഞ്ഞ ദിവസങ്ങളില് മാധ്യമങ്ങളില് ഉയര്ന്നു വന്നിരുന്നു. നൂറ്റാണ്ട് കണ്ട മഹാപ്രളയത്തില് നാട് മുഴുവന് വിറങ്ങലിച്ചു നിന്നപ്പോള്, പ്രതിഫലം പോലും കൈപറ്റാതെ സദുദ്ദേശ്യത്തോടെ ഒട്ടേറെ കലാകാരന്മാര് ചെയ്ത ഒരു സദ്പ്രവര്ത്തിയെ, ആരോപണങ്ങള്ക്ക് വ്യക്തത വരാതെ വിമര്ശിക്കരുത് എന്ന് കരുതിയാണ് രണ്ടു ദിവസം പ്രതികരിക്കാതിരുന്നത്.
എന്നാല് വിവരാവകാശ രേഖയുള്പ്പടെ ഈ ആരോപണം പുറത്തു വന്നു ദിവസങ്ങളായിട്ടും, ഉത്തരവാദിത്വപ്പെട്ടവരില് നിന്ന് ഇത് സംബന്ധിച്ച് ഒരു പ്രതികരണവും ഇല്ലായെന്നത് ആരോപണങ്ങള്ക്ക് വിശ്വാസ്യത നല്കുന്നു. പ്രശസ്ത സിനിമാ സംവിധായകന് ആഷിക് അബു ആണ് ഈ പരിപാടി സംവിധാനം ചെയ്തത്. ഈ പരിപാടിക്കായി കടവന്ത്രയിലെ റീജിയണല് സ്പോര്ട്ട്സ് സെന്റര് നല്കിയത് സൗജന്യമായാണ്, പങ്കെടുത്ത കലാകാരന്മാര് പ്രതിഫലം മേടിച്ചിട്ടില്ല എന്നാണ് പറയപ്പെടുന്നത്. സംഗീത നിശയ്ക്കു ശേഷം ആഷിക് അബു ഈ പരിപാടിവന്വിജയമായിരുന്നു എന്നഅവകാശപ്പെട്ടിരുന്നു.
https://www.facebook.com/HibiEden/posts/10156629825637260
ടൈംസ് ഓഫ് ഇന്ത്യ റിപ്പോര്ട്ടില് ശ്രീ. ബിജിബാല് ഇപ്പോള് പറയുന്ന കണക്കുകള് നേരത്തെ ഇതിന്റെ സംഘാടകര് പൊതുസമൂഹത്തിന്റെ മുന്നില് വച്ചിരുന്നുമില്ല. ചുരുക്കി പറഞ്ഞാല് കരുണ എന്ന് പേരിട്ടു നടത്തിയ ഈ സംഗീതനിശ ഒരു വലിയ തട്ടിപ്പായിരുന്നു എന്ന് വ്യക്തമാവുകയാണ്.
പ്രളയദുരിതാശ്വാസ പ്രവര്ത്തനങ്ങള് നടക്കുമ്ബോള് ഞാന് എറണാകുളം എം.എല്.എ. യായിരുന്നു. തൊട്ടടുത്ത പറവൂര്, ആലുവ ഉള്പ്പടെയുള്ള പ്രദേശങ്ങളില്, എല്ലാം നഷ്ടപ്പെട്ട ഒരു ജനസമൂഹം അന്യന്റെ ദുരിതത്തോട് ഐക്യപ്പെട്ട് അവരില് ഒന്നായി മാറി നടത്തിയ കരുണയോടുള്ള പ്രവര്ത്തനം മനസ്സ് നിറഞ്ഞു കണ്ടു അനുഭവപ്പെട്ടവനാണ്. വീട്ടുവേല ചെയ്തു ജീവിക്കുന്നവര്, ലോട്ടറി വില്പനക്കാര് എന്ന് വേണ്ട പിഞ്ചു കുഞ്ഞുങ്ങള് പോലും അവരുടെ കുടുക്ക പൊട്ടിച്ച് നാണയത്തുട്ടുകള് സംഭാവനയായി നല്കുന്ന കഥകള് നമ്മുടെ കണ്ണുകളെ ഈറനണിയിച്ചിട്ടുണ്ട്. ആ സമൂഹത്തിലാണ് ഒരു വരേണ്യ വര്ഗ്ഗം മനുഷ്യന്റെ സാഹോദര്യത്തെയും കരുണയയെയും ഒറ്റുകൊടുത്തിരി ക്കുന്നത്.
