കൊച്ചി : സിനിമ സെറ്റുകളില് ആഭ്യന്തര പരാതി പരിഹാര സെല്ലുകള് പ്രവര്ത്തിക്കേണ്ട രീതിയിലല്ല പ്രവര്ത്തിക്കുന്നതെന്ന് വനിത കമ്മീഷന് അദ്ധ്യക്ഷ പി സതീദേവി. ഹൈക്കോടതി നിര്ദ്ദേശിച്ചിട്ടും പല സിനിമ നിര്മ്മാണ യൂണിറ്റുകളിലും ഐസിസി ഇല്ല. ശരിയായ രീതിയില് ഐസിസി ഉണ്ടെങ്കില് മാത്രമേ സിനിമ നിര്മാണത്തിന് അനുമതി നല്കാവൂ എന്നും സതീദേവി പറഞ്ഞു. ഒരു സിനിമാ സെറ്റില് വനിതാ കമ്മീഷന് പരിശോധന നടത്തിയപ്പോള് ഐസിസിയുടെ തലപ്പത്ത് ഒരു പുരുഷനെ ആണ് നിയമിച്ചിരുന്നത്. പലയിടങ്ങളിലും ഐസിസി പേരിന് മാത്രമാണെന്നും സാംസ്കാരിക പ്രബുദ്ധ കേരളത്തില് പോലും നിലവിലുള്ള സ്ത്രീ സുരക്ഷ നിയമം ഉറപ്പാക്കുന്ന സാഹചര്യം ഇല്ലെന്നും സതീദേവി കൂട്ടിച്ചേര്ത്തു.
ഈ മാസം ആദ്യം സിനിമ സെറ്റില് പി സതീദേവി മിന്നല് പരിശോധന നടത്തിയിരുന്നു. ചിത്രീകരണം പുരോഗമിച്ചുകൊണ്ടിരിക്കുന്ന ‘സ്ഥാനാര്ത്തി ശ്രീക്കുട്ടന്’എന്ന സിനിമയുടെ ലോക്കേഷനിലെത്തിയായിരുന്നു പരിശോധന നടത്തിയത്. സിനിമ ലൊക്കേഷനില് ഐസിസി രൂപീകരിച്ചിട്ടില്ലെന്ന രഹസ്യ വിവരത്തെ തുടര്ന്നായിരുന്നു പരിശോധന. മലയാള സിനിമയിലെ സ്ത്രീകളുടെ സുരക്ഷ മുന്നില് കണ്ടാണ് സെറ്റുകളില് ആഭ്യന്തര പരാതി പരിഹാര സെല്ലുകള് വേണമെന്നുള്ള നിബന്ധന കൊണ്ടുവരുന്നത്.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
