പത്തനംതിട്ട : കോവിഡ് പ്രതിരോധ പ്രവര്ത്തനങ്ങള്ക്കായി ഐ.സി.യു കട്ടിലും സാനിറ്റെസര് സ്റ്റാന്ഡുകളും ജില്ലാ ഭരണകൂടത്തിന് നല്കി പത്തനംതിട്ട ജില്ലാ ഫര്ണിച്ചര് മാനുഫാക്ചേഴ്സ് ആന്ഡ് മര്ച്ചന്റ് വെല്ഫയര് അസോസിയേഷന്. ആധുനിക സൗകര്യങ്ങളോടുകൂടിയ അഡ്ജസ്റ്റബിള് ഐ.സി.യു കട്ടിലും 30 സാനിറ്റെസര് സ്റ്റാഡുകളുമാണ് കൈമാറിയത്. കൈമാറുന്ന ചടങ്ങ് വീണാ ജോര്ജ് എംഎല്എ ഉദ്ഘാടനം ചെയ്തു.
കോവിഡ് കേസുകള് വര്ധിക്കുന്ന സാഹചര്യത്തില് പ്രതിരോധ പ്രവര്ത്തനങ്ങള്ക്കായി ഫര്ണിച്ചര് മാനുഫാക്ചേഴ്സ് ആന്ഡ് മര്ച്ചന്റ് വെല്ഫയര് അസോസിയേഷന്റ മാതൃകാപരമായ സഹായത്തെ അഭിനന്ദിക്കുന്നതായി വീണാ ജോര്ജ് എംഎല്എ പറഞ്ഞു. ജില്ലാ കളക്ടര് പി.ബി നൂഹ്, ഡി.എം.ഒ ( ആരോഗ്യം) ഡോ. എ.എല്. ഷീജ എന്നിവര് ചേര്ന്ന് ഐ.സി.യു കട്ടിലും സാനിറ്റെസര് സ്റ്റാന്ഡുകളും ഏറ്റുവാങ്ങി. എന്എച്ച്എം ഡിപിഎം ഡോ. എബി സുഷന്, ഫര്ണിച്ചര് മാനുഫാക്ചേഴ്സ് ആന്ഡ് മര്ച്ചന്റ് വെല്ഫയര് അസോസിയേഷന് പത്തനംതിട്ട ജില്ലാ പ്രസിഡന്റ് സി.ഡി. മോഹന്ദാസ്, ജില്ലാ വൈസ് പ്രസിഡന്റ് വി.ടി. സുരേന്ദ്രന്പിള്ള, ജനറല് സെക്രട്ടറി കെ. സജീവ്, സ്റ്റേറ്റ് കൗണ്സിലര് എസ്.വി. വിജയകുമാര് എന്നിവര് പങ്കെടുത്തു.
