പത്തനംതിട്ട : ഇലന്തൂര് ബ്ലോക്ക് പഞ്ചായത്തിന്റെ പുതിയ ഓഡിറ്റോറിയം ആരോഗ്യ, വനിതാ ശിശുവികസന വകുപ്പ് മന്ത്രി വീണാ ജോര്ജ്ജ് ഉദ്ഘാടനം ചെയ്തു. വീണാ ജോര്ജ്ജ് എം.എല്.എ യുടെ 2022-23 വര്ഷത്തെ ആസ്തി വികസന ഫണ്ടില് നിന്ന് 60 ലക്ഷം രൂപ ചെലവഴിച്ചാണ് നിര്മാണം നടത്തിയത്. ബ്ലോക്ക്പഞ്ചായത്ത് പരിപാടികളോടൊപ്പം പൊതുപരിപാടികള്ക്കും ഓഡിറ്റോറിയം ഉപയോഗിക്കാന് കഴിയുന്ന തരത്തില് സജ്ജീകരിക്കുകയാണ് ലക്ഷ്യം. ബ്ലോക്ക്പഞ്ചായത്ത് പ്രസിഡന്റ് ജെ. ഇന്ദിരാ ദേവി അധ്യക്ഷത വഹിച്ചു.
ബ്ലോക്ക്പഞ്ചായത്ത് വൈസ് പ്രസിഡന്റ് കെ ആര് അനീഷ, ജില്ലാ പഞ്ചായത്ത് അംഗം അഡ്വ. ഓമല്ലൂര് ശങ്കരന്, മല്ലപ്പുഴശ്ശേരി ഗ്രാമപഞ്ചായത്ത് പ്രസിഡന്റ് മിനി ജിജു ജോസഫ്, കോഴഞ്ചേരി ഗ്രാമപഞ്ചായത്ത് പ്രസിഡന്റ് സാലി ഫിലിപ്പ്, ബ്ലോക്ക് പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ആതിര ജയന്, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്പേഴ്സണ് സാലി ലാലു പുന്നയ്ക്കാട്, ബ്ലോക്ക്പഞ്ചായത്ത് അംഗങ്ങളായ ജിജി ചെറിയാന്, വി.ജി. ശ്രീവിദ്യ, കലാ അജിത്ത്, അഭിലാഷ് വിശ്വനാഥ്, അജി അലക്സ്, എക്സിക്യൂട്ടീവ് എഞ്ചിനീയര് ബിന്ദു വേലായുധന്, അസി.എക്സി. എഞ്ചിനീയര് സംഗീത പത്മരാജന്, ഇലന്തൂര് ബ്ലോക്ക്പഞ്ചായത്ത് സെക്രട്ടറി ആര് എസ് അനില് കുമാര് എന്നിവര് പങ്കെടുത്തു.
