ചിറയിന്കീഴ് : ചിറയിന്കീഴില് അനധികൃത വിദേശ മദ്യവില്പന നടത്തിയ യുവാവ് പിടിയില്. അഴൂര് ശാസ്തവട്ടം ആയിരവില്ലിപ്പുരം ഗിരിജ ഭവനില് മുകേഷി (35) നെ ആണ് ചിറയിന്കീഴ് പോലീസ് അറസ്റ്റ് ചെയ്തത്. റൂറല് എസ്.പി ഡോ.ദിവ്യ വി ഗോപിനാഥിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ഇയാളെ അറസ്റ്റുചെയ്തത്. രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയില് കിടപ്പുമുറിയുടെ കട്ടിലിനടിയില് നിന്ന് 47 പ്ലാസ്റ്റിക് കുപ്പികളിലായി സൂക്ഷിച്ചിരുന്ന 23 ലിറ്റര് ഇന്ത്യന് നിര്മ്മിത വിദേശ മദ്യവും 20 ലിറ്റര് ഉള്ക്കൊള്ളുന്ന 40 ടിന് ബിയറുകളും 50,000 രൂപയും ചിറയിന്കീഴ് പോലീസ് പിടിച്ചെടുത്തു.
ഈ വീട്ടില് ധാരാളം പേര് ദിവസവും വന്നുപോകുന്നതായി പോലീസ് കണ്ടെത്തിയിരുന്നു. ആവശ്യക്കാര്ക്ക് പ്രതി മദ്യം വീടുകളിലെത്തിച്ചിരുന്നെന്നും പോലീസ് പറയുന്നു. ആറ്റിങ്ങല് ഡി.വൈ.എസ്.പി സുനീഷ് ബാബുവിന്റെ നിര്ദ്ദേശപ്രകാരം ചിറയിന്കീഴ് എസ്.എച്ച്.ഒ ജി.ബി മുകേഷ്, എസ്.ഐ വിനീഷ്.വി.എസ്, എ.എസ്.ഐമാരായ ഷജീര്, സുനില്, സി.പി.ഒമാരായ അരുണ്, വിഷ്ണു, മനോജ്, മുജീബ് റഹ്മാന്, റൂറല് ഡാന്സാഫ് ടീം അംഗങ്ങളായ എ.എസ്.ഐ ദിലീപ്, സി.പി.ഒമാരായ ഷിജു, സുനില്രാജ് എന്നിവരാണ് പ്രതിയെ പിടികൂടിയത്.
