മുണ്ടക്കയം : ബിവറേജസ് ഔട്ട്ലെറ്റുകളിൽ നിന്നും മദ്യം വാങ്ങിയ ശേഷം വിൽപന തകൃതിയിൽ നടക്കുകയാണ് മുണ്ടക്കയം മടുക്കയിൽ. മദ്യപിച്ച് ആളുകൾ ബഹളമുണ്ടാക്കുന്നത് ഈ പ്രദേശത്ത് വ്യാപകമാകുന്നതായി പരാതി ഉയരുന്നുണ്ട്. 100 മുതൽ 300 രൂപ വരെ കൂട്ടിയാണ് ഇവിടെ മദ്യ വില്പന നടക്കുന്നത്. ഇവരുടെ കൈയിൽ നിന്നും മദ്യം വാങ്ങാനും നിരവധി പേരാണ് ഉള്ളത്. മദ്യപിച്ച് ആളുകൾ ബഹളമുണ്ടാക്കുന്നത് ഈ പ്രദേശത്ത് വ്യാപകമാകുന്നതായി നാട്ടുക്കാർ പരാതിപെടുന്നു.
കോവിഡ് കാലത്ത് മദ്യ ക്ഷാമം രൂക്ഷമായതോടെയാണ് അനധികൃത മദ്യ വില്പനയും തകൃതിയായി നടക്കുന്നത്. സംസ്ഥാനത്തൊട്ടാകെ എക്സൈസ് വകുപ്പ് വ്യാപകമായ പരിശോധനയാണ് അനധികൃത മദ്യവിൽപ്പന കണ്ടെത്താനായി നടത്തുന്നത്. കഴിഞ്ഞ കുറേ നാളുകളായി കോട്ടയം ജില്ലയുടെ വിവിധ മേഖലകളിൽ നിന്ന് വ്യാപകമായ നിലയിൽ അനധികൃത മദ്യ വില്പന കണ്ടെത്തിയിരുന്നു.