റാന്നി: നഗരത്തില് സ്വകാര്യ വാഹനങ്ങളുടെ അനധികൃത പാര്ക്കിംങ്ങ് ഗതാഗത കുരുക്കുണ്ടാക്കുന്നതായി പരാതി. സംസ്ഥാന പാതയുടെ നിര്മ്മാണം പൂര്ത്തിയായ സ്ഥലങ്ങളിലാണ് റോഡിന്റ ഇരുവശവും വാഹനങ്ങള് അലഷ്യമായി പാര്ക്കു ചെയ്യുന്നത്. ഇട്ടിയപ്പാറ ബസ് സ്റ്റാന്റില് ബസുകള് ഇറങ്ങുന്നതിന് തടസ്സമാകും വിധം വാഹനങ്ങള് നിരത്തി വെയ്ക്കുന്നത്. റോഡില് ചിലര് കാറുകള് പാര്ക്ക് ചെയ്യ്തതിനു ശേഷം മണിക്കൂറുകള് കഴിഞ്ഞാലും കൊണ്ടു പോകില്ല. പഴവങ്ങാടി പഞ്ചായത്ത് ബസ് സ്റ്റാന്റിനു സമീപം പാര്ക്കിംങ്ങ് ഗ്രൗണ്ട് ക്രമീകരിച്ചിരിച്ചിട്ടുണ്ടെങ്കിലും വാഹനങ്ങള് അവിടെ പാര്ക്കിംങ്ങ് ചെയ്യാതെ റോഡിന്റെ വശങ്ങളില് തന്നെയാണ് ഇടം കണ്ടെത്തുന്നത്. കൂടാതെ ടൗണിന് സമീപത്തായി സി.എസ്.ഐ ഗ്രൗണ്ടിലും പാര്ക്കിങ്ങിന് ക്രമീകരിച്ചിട്ടുണ്ടങ്കിലും വാഹനം പാര്ക്ക് ചെയ്യാൻ ആരും തയ്യാറാകാറില്ല. റോഡില് എത്ര സമയം വാഹനം പാര്ക്കു ചെയ്താലും പോലീസ് നടപടി സ്വീകരിക്കാന് തയ്യാറാകാത്തതാണ് ഗതാഗതക്കുരുക്ക് സൃഷ്ടിക്കുന്നതരത്തില് പാര്ക്കിങ് തുടരുന്നതെന്നാണ് ഉയരുന്ന ആരോപണം.
